تنبيه لدخول الموقع مره اخرى عن طريق جوجل اكتب ( الحنين محمد حسن )

لسه بحبها


بعدنا صحيح لكَْن...لسه انا ليها بحن
معرفش ليه مع إن..انا اللى ودعتها

ولسه برضو بفكر فيها..لويوم قلت انى ناسيها
بكدب ايوه لانى حقيقى..لسه بحبها

عارف انها مش سمعانى..ولا جنبى ولا يوم شيفانى
لكن من قلبى دى وحشانى...ونفسى اقولها

لسه فيا اشتياقى..بتناديها كتير اشواقى
ذنبى ايوه من غبائى..من ايدى ضيعتها

ضحت ياما كتير علشانى..قسمتنى فرحى جميع احزانى
عارف مش راح ترجع تانى...ما يارتنى ماسبتها

مش لاقى نفسى انا مع غيرها..ببقى معاها بس فاكرها
حتى بإسمها يا ما نادتها...ماهى محفورة فى قلبى صورتها

عارف ان خلاص مش ينفع..ان لبعض تانى نرجع
بس غصبا عنى بسمع..بينادى عليا صوتها

من جوايا كتير بتألم..دمع عيونى جرح بينزف
موجوع قلبى وبيتندم...انى فى لحظه فارقتها

صوت دمعتها مفارقنيش..
يوم ماقلتلى متسبيش
من غيرك مقدرش اعيش...وانا برضو سبتها

هناك 7 تعليقات:

  1. البوست بجد جامد اوي واحساسك بجد حلو اوي يامحمد بس هرجع واقولك بحبك اكتر لما مش تكتب حاجه حزينه ربنا ما يجيب فراق ولا بكي تاني

    ردحذف
  2. محمد
    ايه رقه الاحساس دي كلها
    بعجز دايما عن وصف رقتك
    بجد احساسك عالي اوي
    وكلماتك دايما بتمس القلوب
    يارب حياتك تبقي جميله
    كلها فرح وحب واخلاص

    ردحذف
  3. أزال أحد مشرفي المدونة هذا التعليق.

    ردحذف
  4. جامده بجد
    احساس رقيق وجميل
    تسلم الايادى

    ردحذف
  5. بجد جميله جدا ىجدا واحساس جامد اخر حاجه ".....شيماء

    ردحذف
  6. أهم حاجة و أكتر حاجة واضحة فى البوست إن الإحساس صادق.
    تحياتي

    ردحذف
  7. بجد احساسك عالي وجميل جدا وعجبني اوي ودخل القلب وبجد اناسعيده اني قراته

    ردحذف