تنبيه لدخول الموقع مره اخرى عن طريق جوجل اكتب ( الحنين محمد حسن )

اجمل ما فيكى



اجمل حاجه فيكى .. همس شفايفك ضحك عنيكى
واللى شددنى اكتر ليكى... هو الحنين

هوصف قلبك.. لما بقبلك
ولا انا قبلك.. كنت انا مين

انتى ياقمرى.. روحى وعمرى
مسلم امرى.. ياقمر السنين

مهما صدفت.. قبلت عرفت
انا والله ماشفت... غير قلبك ياعين

وصفك وصف بحور... وعنيكى عين الحور
ما يحوشنى عنك سور.. ولا بعد السنين

ومعاكى بدوق... انا حب وشوق
خليتى الشوك... ورد وياسمين

وياكى بكون... اسعد ما يكون
عاشق مجنون... من العاشقين

بحب كسوفك.... لما بشوفك
خجل وقوفك... ولا خجل العنين

قربك شمع... وبعدك دمع
وقلبك نبع.. حب وحنين

هناك 14 تعليقًا:

  1. hالله عليك اد ايه كلام جميل

    ردحذف
  2. ajmale mafike saraha

    ردحذف
  3. wala ana konte mine 3aycha limine

    ردحذف
  4. HAYATIY KOLA 3ADABE MINE 5IRAKE MATISWA

    ردحذف
  5. تسلم يا فنان ايه الجمال ده الله ينور عليك تسلم يا فنااااااااااااااااااااااااااااان اخوك وصديقك احمد

    ردحذف
  6. حلوة كتير محمد بحسها كتير معبرة
    مش الموضوع بس
    حتى الكلمات عندها وقع كتر
    بدنا المزيد من كتاباتك
    على فكرة مسرورة بمعرفتك

    ردحذف
  7. تحفة بجد ي محمد كالعادة كلامك لا يتوصف ولا قدر حكى عنة ولا اوصف جمال مشاعرة ورقتة بس انا نفسى يكون الكلام دة ليا مش قصدى منك بس من وزى بقى ولا خطيبى ولا حتى حبيبى

    ردحذف
  8. السلام عليكم
    كاني بقرئها لاول مرة
    واقول تعليقي لها لاول مرة
    تحفة من تحفك الجميلة
    رقيقة ووصفك لها اجمل واجمل
    يسلم قلمك ياشاعر العصر
    تقبل مروري
    سلامي ليك اخي محمد.

    ردحذف
  9. بجد هايل يا محمد
    من تقدم لتقدم
    ومن نجاح لنجاح
    تسلم ايديك
    ومتغبش عنا تاني

    ردحذف
  10. جميلة جداا وبسيطة فى تعبيراتها
    وانا بقرأها كدة حسيت انها تنفع اغنية

    اسفة على غيابى
    والله الى بيبعدنى ظروف خارجة عن إرادتى

    ردحذف
  11. ايه يا ابنى انت فين

    وليه دايما محيرنى معاك

    اتمنى تكون بخير

    ليه تحرمنا من خواطرك الرائعه

    تحياتى

    ردحذف
  12. تحياتي ليك ولرقة احساسك ياصديق دايما احساسك جميل وبيلفت نظر اللي بيقرالك
    تحياتي لاسلوبك وبنات افكارك

    ردحذف
  13. تنفع اغنية
    بجد هتبقى حلوة اوى

    ردحذف
  14. ايه يا محمد
    فين تعليقى !!!!
    لا.. لا ...لا انا كده زعلت
    انا كتبت تعليق مش لاقياه
    دور عليه يمكن يكون وقع تحت المدونه
    يالهوووى .. انا بالطم اهووووووو

    ههههههه

    احساس جميل وراقى يا محمد
    دمت مبدع

    ردحذف