تنبيه لدخول الموقع مره اخرى عن طريق جوجل اكتب ( الحنين محمد حسن )

لو كنت خايف ع البلد



لو كنت خايف ع البلد..وعاملى قال ابن بلد
تبقى راضى باللى اتقتل..واللى برىء فى المعتقل
من غير سبب... فى السجن مرمى بيتجلد

لو كنت خايف ع الوطن..وترابها فيها تندفن
تبقى راضى باللى سرق..وجثث قصادك تتحرق
غير اللى ماتوا من صلاه عليهم حتى او كفن

نفسى يا مصر



كان نفسى اللى حلمت انا بيها..مصر اما اكبر الاقيها
القانى صاحى ويبقى كابوس..مصر حبيبتى اكون انا فيها

الايد متشققه... من الظلم وم الشقا
وايه يا دوله منا... عايزه ايه بقى

بكفايه قطم الضهر..وكفايه ذل وقهر
مش شايف فيكى حاجه..غير شحاته وفقر

اتعلمنا عشان نديكى..بوسنا ترابك على اراضيكى
انا مش عارف اعمل ايه ..عشان يادوله يوم اراضيكى

 خسرنا العمر وكل شبابه..شفنا فيكى احلى عذابه
روينا الورد بدمع عنينا..نكبر نلقى ورودك دابو

نفسى احس بان انا مصرى..عاش فيكى كانى ف قصرى
مش اكون شارب ليل ونهار..من نيلك دايق مرى

مش ناسى


مش ناسى اخويا اللى اتسجن.. ولا حتى صحبى اللى اندفن
ولا حتى ناسى انى انتقم... من كل خاين للوطن

مش ناسى حقى ومش هبيع... ولا دم صحبى ف يوم يضيع
انسو انى برىء وديع ...كله هيدفع التمن

والتمن مش سجن ولا..مش هيرضينى حاجه الا
ع المشانق تبقو شله...ورحتكو تقرف م العفن

مش هنسلم نبقى عبيد

 
مش هنسلم نبقى عبيد..حتى لو محصلش جديد
انا بتظاهر انا علشان شمعه بكره بنورها تقيد

مهما اتاخر حبه النصر.. سنتين ولا مليون شهر
هيفضل كل حر بلادى..ثوره ف كل شوارع مصر

هات ف الامن وهات ف عساكر...غصبا عنك انا هتظاهر
حق اخويا عمرى ما اسيبه... ولا الحق حرام اظاهر

اضرب نار ورصاص خرطوش...يمكن انتو محرمتوش
ولا السيسى مفهمكوش..بتحاربو مشروع شهيد

ردا على اغنيه انزل وشارك (اغنيه الدستور)


انزل وشارك بايديك تكمل ثورتك..واوعى اى شىء فى الدنيا ديه يحبطك
واوعى تنسى اللى اتقتل واللى اتسجن..عشان تنول حريتك

دستور بلدنا واتسرق..جثث ولادنا بتتحرق
شالو رئيسنا المنتخب...بعدد يدوب كام م الورق
ايه محتاجه انت ...تانى يثبتك

ياكل حر اوعى تقبل...ان وضع الظلم يفضل
ورد فتح فى الجناين..بسهوله انه يموت ويدبل
افتكر منهم شهيد وكام جريح...اتقتلو على ايد داخليتك

ثوره يناير منتهتشى...طول ما حقى ماتخدشى
حقى ابدا مش هسيبه...يااما اكرملى معشى
يسجن يقتل بالاف...بالعكس ده يزيد من قوتك

دمى حلال


هو عشان انا ضد السيسى ..رافع رايه مرسى رئيسى

ولا عشان بهتف وبكبر..يسقط يسقط حكم العسكر

ولا عشان بنزل بتظاهر..يمكن بقى حرام اظاهر

واما بنهتف اسلاميه..نبقى جماعه ارهابيه

واما تقولو عسكريه..يبقى حلال ميه ف الميه

واما انادى بعلو الصوت..ضد الظلم والجبروت

لازم يبقى ساعتها سكوت..ولايمكن  لازم اموت

ولا عشان م الشعب العادى..بهتف حب فى حب بلادى


فتح فتح معتقلات..واسجن فينا وفى  الاخوات

غصبا عنك بقى من حقى..هفضل اهتف عسكر يمشى

هات عساكر هات وياهم..بلطجيه يبقو معاهم


ويا اعلام لو دمى سال..قولو ارهابى ودمى حلال

صور زيف قطع  هات..سميها بالاعتداءات

سجنك عمره ماهيرهبنى..صوتى رعبك قوى قوى منى

صبح وليل وفى عز الفجر..نازل قتل برصاص غدر

شفت حد منا اتراجع..ولا خاف من اى مدافع

يعنى عشان تعرف م الاخر..انا مش هضعف او هتاخر


 بالسلميه هى سلاحى..بيها هكمل كل كفاحى

 ومره تانيه وتالته بعيد..بتحارب مشروع شهيد

يبقى ده هو الارهاب



لما تقتل ف الشباب... لما تحكم باغتصاب
لما تدبح ف الرقاب.... يبقى ده هو الارهاب

لما تحرق ف السنابل... لما ترمينى بقنابل
لما تبقى عايزنى قابل... بوضع اسمه الانقلاب

لما تقتل اللى ساجد... لما تحرق ف المساجد
لما تبقى عليا حاقد... انى جيت ب الانتخاب

لما ارفع ايدى سلمى... لما ادعى حسبى ربى
لما تستحل دمى....  تحت ايدك اشوف عذاب
  
لما تاخد منى حق... ايوه بيه انا الاحق
 ردوا قولوا ايه ياخلق....  انتخاب ولا انقلاب

لما حقى انى معشى... والسلاح يكون ف وشى
لئه حقى ميتسرقشى... يسقط يسقط الانقلاب

اصحى يا مصرى get up, O egyption

 
اصحى يامصرى كفايه.. غياب كفايه وهم عليك وضباب
اعرف مين من قلبه معاك... مين ضدك قام بانقلاب

يعنى كفايه تفضل عايش.. تحت الضل وجوه الهامش
فتح شوف مين يعرف قيمتك.. ومين شايفك تافه او هايش

اللى بيكدب واللى يقول ..انسى شىء كان اسمه فلول
واللى يخلى الباطل حق.. ويخلى القاتل مقتول

يعنى حكايه مش عايزه كلام... هى حرب على الاسلام
كل كلامى ده من قلبى ..ويامصرى  مليون سلام

مش هقبل غير انى اكون



انا مش  هقبل انى اكون..واحد من ضمن المليون
ولا هقبل يبقى وجودى....يبقى وجودى زى بدون

ولا هقبل انى اعيش ع الهامش...انى مجرد واحد عايش
انا مش  حد ضعيف او هايش...او شىء تافه او مركون

ولا هسمح  يوم  لحظه لنفسى...يتملكنى ضعفى ويئسى
انى مجرد واحد منسى...عايش بالحيا مدفون

لو فرصه ورا فرصه فاتتنى....عمر اليأس ما هيموتنى
ربى معايا ومثبتنى..جل جلاله  ملك الكون

ومهما حصلى لربى انا شاكر...وهحاول فى الدنيا واعافر
لليوم ولبكره وللاخر...الدنيا بشوفها بأجمل لون

عارف

 
عارف
لما فى يوم تقعد مع نفسك...تسأل مين فعلا كان حسك
مين اللى مقدر مين كان شاعرك.مين للى مشاعره لمسه مشاعرك
سؤال لاجابته مش عارف

مين كان شايل وياك همك..وقت ماتبكى تلاقيه ضمك
مين بيداوى المك جرحك...يفرح اوى من قلبه لفرحك
مين من قلبه عليك كان خايف

حلمك كان حلم صغيور..املك انه يشوف النور
فجأه تلاقى كله عذاب...كله وهم وكله سراب
حب فى قلبك كان يوم ساكن..يبقى نصيبك فرحك لكن
ناس عايزه قلبك مكسور

سامع
قلب كان وياك طول عمره...فرحك فرحه ومرك مره
دمعه عينك قبل ما تطرح...تلاقي ليها بقلبه  بيمسح
تلقى الحلم مابينكم ضايع


صوت بيفرق بين قلبين..ضيع حلم مالى العين
وعد قلبك كان يوم صادق..عمرك ابدا يوم ماتفارق
مش قادر لكن مش راجع

ورد عمرك ورقه بيدبل...غصبا عنك لازم تقبل
مش بايديك ان انت تقرر..غصبا عنك لازم تقدر
صوت بينادى يقولك ارحل

لسه فكرانى؟


معرفشى ان كنتى سمعانى...ولا انتى لسه فكرانى
ولسه انا وحشك...زى ما انتى وحشانى

ولا بقيت انا عادى..مجرد حد فى الماضى
لو قلبى عليكى بينادى..هتبقى لسه حسانى

معاكى عشت فى الجنه..واكتر ما كنت بتمنى
لساكى فاكره اللى مابينا...احلى حب واحلى امانى

ولا السنين عدت فاتت...والذكريات راحت ماتت
ولا صورتى خلاص غابت..ولا بقيتى بيعانى

رحتى غبتى عن عينى..وقدرتى انك تنسينى
ولا موناكى تلاقينى....انا زى ما انتى عارفانى

اعلام مصرى فاشل

 
يا اعلام فاشل منحط...قوم م الشاشه غور وانحط
واحد زى ابو حمالات...وعكشه بيزغط بط

وشويه هنا فى الاعلام...كانوا بيدافعوا عن  الهام
اصل الفجر ده حاجه عظيمه..وعمر الفن ما يبقى  حرام

والتانى عايز تأديب...اسم الفاشل عمرو اديب
ع الشاشه عادى يسب الدين....ومسمعناش منهم تعقيب

وواحده شغاله تهييس.. مقصدش اكيد الاخت لميس
ولا طبعا حد كان يعرف..بتأيد حكم التوريث

واللى يعينى  مفروس مغلول....غير فى الكدب مش بيقول
عم خيرى الله يخريه..معلش نسامحه اصله فلول

واخر كلمه ع الماشى...لكل ظالم او فاشى
على راسهم استاذ الفتنه..اكيد طبعا عم الابراشى

يعنى  بلاش نفضل نتظاهر..ان انت شريف مع انك عاهر
واظن الشعب فاهم عارف...مين لامؤاخذه ومين الطاهر

مش هقبل انى اكون



انا مش  هقبل انى اكون..واحد من ضمن المليون
ولا هقبل يبقى وجودى....يبقى وجودى زى بدون

ولا هقبل انى اعيش ع الهامش...انى مجرد واحد عايش
انا مش  حد ضعيف او هايش...او شىء تافه او مركون

ولا هسمح  يوم  لحظه لنفسى...يتملكنى ضعفى ويئسى
انى مجرد واحد منسى...عايش بالحيا مدفون

لو فرصه ورا فرصه فاتتنى....عمر اليأس ما هيموتنى
ربى معايا ومثبتنى..جل جلاله  ملك الكون

ومهما حصلى لربى انا شاكر...وهحاول فى الدنيا واعافر
لليوم ولبكره وللاخر...الدنيا بشوفها بأجمل لون

احساسى

 بحس انك حبيبى فيك ضى القمر..وانك ملاك حبيبى وانك مش بشر
    وانك شىء خيالى..عمره على بالى يوم واحد خطر

بحس معاك حبيبى انك حب الندى..طير طاير فى العالى عالى فى الفضا
بحس انك حبيبى اكتر من كده..وانك ياحبييبى هديه من القدر

بحس انك حبيبى زى  النور الهادى...جوه ضى عيونك سحر لا مش عادى
بحس يا حبيبى لما عليا تنادى..بحس فى صوت حبيبى صوت حبات المطر

القصه من البدايه علمنى عشانه اعيش...ورًقة قلب حبيبى رقه متتحكيش
حب عمرغالى غالى مينتهيش..صعب واستحاله لحظه ينكسر

ايوه معاك ياعمرى انت بس بلاقى...معنى فرحه قلبى معنى لاشواقى
طول عمرى ياحبيبى عليك انا ايوة باقى...ياورده حب رقيقه ساكنه مابين الشجر

اللحظه معاك حبيبى دى سر الوجود...وحبك فيا ساكن حب ملوش حدود
النجمه ويا القمر ويا الليل شهود...انك يا حبيبى ملاك منتش بشر

متبعديش

بتمنى عنى متبعديش...ولو بعدتى متغبيش
لو  مش  معاكى اكون وياكى...استحاله انى اعيش

هتسيبينى صحيح لفتره...بس لازم يجى  بكره
تبقى جنبى لان قلبى..من غير وجودك نكره

هتسبينى ايوة لكن..حبك انتى  فى قلبى  ساكن
روحنا جينا بقى لينا..ذكريات كل  الاماكن

مهما طال البعد هصبر..مش هخون اجرح واغدر
ده انتى ليا اجمل هديه..نعمه ربى عليها بشكر

غصب عنى ومش بخاطرى...انى اودع حب  عمرى
اعذرنى  هتلاقينى...دمع عينى  بحور بتجرى

ياارق حب شوق غرام...رغم ان صعب وحرام
ما انا قلبى عشقك وصعب افرقك...مقدرش اقول ليكى سلام

فى دمى حبك وف وريدى..وصعب جدا مش بايدى
لوشفتى دهشه او  حتى رعشه..لحظه فراق ايدك لايدى 

وعد ليكى يا حبيبتى..مهما طال بعدك وغبتى
فى قلبى رسمك محفور اسمك...اسمك حبيبتى

اى شىء غيرك يهون

فى الدنيا دى ميهمنيش...غير قلبك انتى معاه اعيش
اى شىء فى الدنيا غيرك ..ملهوشى معنى وميساويش

مش كتير ابدا عليكى..الدنيا اجيبها مابين ايديكى
انتى عمرى يا حب عمرى..مش هعيش غير بس ليكى

مهما كان كل كلامى..مش هيوصفلك غرامى
انتى حياتى حب حياتى..عشق قلبي انتى وهيامى

اوصف انك  عشق العيون..حب ليكى حب بجنون
غيرك انتى يا حبيبتى ..اى شىء تانى يهون

مش هخبى  بيكى متيم...ولعنيكى قلبى سلم
طول عمرى  ليكى عايش ليكى....غير عنيكى مش بيها بحلم

ولا لحظه على نفسى هقبل..غير حبك جوايا يفضل
يا كل عمرى ده انا ورد عمرى..من غير وجودك يدبل

قلبى ليكى انا واحساسى..يا كل اهلى اعز ناسى
لوفى يوم كنت جرحتك...حقك يا قلبى على راسى
ارجوكى منى متزعليش
                                              

مش هتنازل عنها


انتى االى انا مش هتنازل عنها..انتى اللى اموت روحى  عشانها
انتى حياتى  وروحى وقلبى...انتى حبيبتى اللى انا بعشقها

ياللى مهما ان جيت او اروح...قلبك ليا حبيب الروح
لو قلبى عايش كان مجروح...قلبك طبيبى يداوينى

ياموج هادى فى  البحور..يا ملاك قلبى يا عين الحور
لو مابينى وبينك سور...بهمس نادى تلاقينى

ياللى عمرى عشته قبلك...هو ايه قبل ما قبلك
قلبى دق بحب قلبك..والحنين ليكى ملينى

اللى حسه و بيه انا شاعر..واللى فيا من مشاعر
خلى  قلبى يبقى شاعر...وبعيونك الهمينى


جوايا ليكى الف شوق..قلب عاشق للمعشوق
ياالى قربك فيه بدوق...حب عمر بينادينى

مهما قلت ايه يكون..وصف يوصف دى العيون
ياارق واحلى بنات الكون..حبيبة قلبى وحشتينى


نبع الخير


حب الغير مبقاش موجود.. نبع الخير بتمنى يعود
نفسى الحب ونفسى الود..نفسى مابينا تانى يسود

نفسى اشوف الكون مليان..حب وفرحه وكل امان
نفسى الاقى الكون بستان....طارح بالورود

نفسى اشوف فى قلوب الناس...طعم الحب والاخلاص
ولا ده ماضى انتهى وخلاص...وقلوبنا ملاها البرود

بحلم ان مابينا يكون..شىء م الصعب انه يهون
نلقى الدنيا بأجمل لون...وبينا الحب ملهوش حدود

بحلم ان القسوة تلين..انت وانا فى الخير سابقين
نفسى يكون حلم الملايين...والحب مابينا يكون له وجود

انا خلصت كل كلامى..بهدى لكل الدنيا سلامى
حلم بسيط كان من احلامى...مش بتمنى يكون مرفوض

غير اى حب




بحب صحيح انما..حب غير اى حب
دى حبيبتى طير فى السما..نبع حنين بيصب
بحب عاشق فيها..عاشق كل مافيها
همس شفايف ضحك عنيها...زى الفرحه متبسمه

ايوة انا مش زى العشاق ..يوم فى الحب ويوم فى فراق
لاانا عايش اجمل حب... اجمل وصف للاشواق
ايوة فى وصفى ايوة انا صادق.. ايوة بحب وايوة انا عاشق
قلب حبيبتى اصداف ولألىء...بعيون البحر متقسمه

انا مش قصه حب قديمه..كانو يقولو رقيقه عظيمه
حب لا يمكن يوم يتعاش... ولا حتى فى افلام السيما
وبعلو الصوت انا بوعد..عن قلبك عمرى ماهبعد
حب فى دمى بيتجدد..وعيون بيكى مغرمه

لسه بحبها


بعدنا صحيح لكَْن...لسه انا ليها بحن
معرفش ليه مع إن..انا اللى ودعتها

ولسه برضو بفكر فيها..لويوم قلت انى ناسيها
بكدب ايوه لانى حقيقى..لسه بحبها

عارف انها مش سمعانى..ولا جنبى ولا يوم شيفانى
لكن من قلبى دى وحشانى...ونفسى اقولها

لسه فيا اشتياقى..بتناديها كتير اشواقى
ذنبى ايوه من غبائى..من ايدى ضيعتها

ضحت ياما كتير علشانى..قسمتنى فرحى جميع احزانى
عارف مش راح ترجع تانى...ما يارتنى ماسبتها

مش لاقى نفسى انا مع غيرها..ببقى معاها بس فاكرها
حتى بإسمها يا ما نادتها...ماهى محفورة فى قلبى صورتها

عارف ان خلاص مش ينفع..ان لبعض تانى نرجع
بس غصبا عنى بسمع..بينادى عليا صوتها

من جوايا كتير بتألم..دمع عيونى جرح بينزف
موجوع قلبى وبيتندم...انى فى لحظه فارقتها

صوت دمعتها مفارقنيش..
يوم ماقلتلى متسبيش
من غيرك مقدرش اعيش...وانا برضو سبتها

اهى دنيا


تشكى لمين كل مواجعك... مين فى العالم فى الكون سمعك
شايل همك حزنك المك... حابس جوه جفونك دمعك

تصرخ نادى بعلو الصوت...مين راح يسمع صوت مكبوت
عايش وحد ك دمعه خدك.... وسط مليون جرح تفوت

غصبا عنى اصبر واستحمل..فى طريق مر لازم اكمل
مجروح باكى لهمك شاكى ...مكتوف فرحى ليه متسلسل

وادى الدنيا فيها نتوجع..نحزن نبكى عنينا بتدمع
فرحك غايب اغلى حبايب..كله فارقك وكتير ودع

وادى اليوم ورا يوم بيمر..من احزان لجراح ولمر
ورود دبلانه دموع جوانا..بتعيش فينا طول العمر

مهما نحاول نبعد نهرب...من الاحزان اكتر بتقرب
بقت الطيبه حاجه غريبه...والكل عليها بيستعجب

واهى دنيا بقى فيها الوفى...شىء منسى ماضى واختفى
مليها الدمع لكن الشمع...ونور الحب خلاص انطفى

بحبك يا عمرى


بحبك يا قمرى.. ياروحى وعمرى
يا عشق السنين
بحبك وفيا....حاجات مش عاديه
ملينى الحنين

يا فرحى وعيدى..فى دمى ووريدى
وجوه العيون
يا عمرى اللى الآتى..وحب حياتى
لايمكن يهون

رقيقه وبريئه..وهى الحقيقه
واكتر كمان
يا اجمل قلب..فى يوم يتحب
يانبع الحنان

رحلة اوهام




وعملت اللى عليا معاكى انا وزياده..اديتك حب وفرح وشوق وسعاده
حبيتك لكن مش لاقى ...غير جرح فى جرح بيتماده

قصر عالى فى قلبى بنتلك..كل مشاعرى ليكى ادتلك
ياما مسحت دموعك ياما.. وقت مااحتجتينى ايديا ليكى اتدمتلك

اتعذبت كتير من جرحك..كنت بشاركك حزنك فرحك
لكن من غير اسف مش هقدر ..ان انا ارجع تانى واسمحك

على اد الحب اللى اناحبيته..والشوق اللى فى قلبى اديته
كان قصر فوق السما عالى..بقسوه قلبك انا هديته

ايه اللى عملته معاكى عشان..تبعينى بأرخص اتمان
اناقلبى غالى ومش ممكن..يستحمل منك يتهان

قلبك بقى من كتر القسوه..عندى رخيص اصبح ولا يسوى
قلبى اتعلم منك انه..ميعش ضعيف لازم يقوى

انا هبعد من غير لاسلام...ولا حتى هنطق بكلام
عمرى خساره ضاع وياكى..فى رحله حب كانت اوهام

حلم حياتى


عنيها جت فى عنيا... كات لحظه متتنساش
كان اجمل مافى الدنيا ..ممكن يوم يتعاش

قلتلى كتير كلام.. فى الحب وفى الغرام
بحبك اوى يا حبيبى.. عشقاك من غير كلام

كنت شايفها ملاك ادامى..قلب يداوى كل الامى
اول مره احس حقيقى..ان بتحقق احلامى

قلتلى كلام خلتنى ..غصبا عنها بكتنى
قلتلى ياريت زمان...كنت قبلتك يارتنى

قلتلى انها عشقانى..وعلى استعداد علشانى
تتحدى العالم كله..ومتسبنيش لثوانى

ان انا فى حياتهاالامل...فرحها ويايا اكتمل
وعدتنى تكون ويايا..ولا تبعد مهما اتعمل

واتمشينا واحده واحده..وانا عينى سرحانه شارده
لقتها نادتلى تقول يا حبيبى... وبتهديلى اجمل ورده

قلتلى بحبك طول الوقت ...فى كل لحظه ليك اشتقت
قلتلى فى بحر الحب خلاص.. وياك انت حبيبى غرقت

قلتلى ان انت النور لطريقى ...جوايا قلبك هو شريكى
فجأه لقتها فارقت عينى..اصل خساره اللى شافته عينى
كان حلم واخويا يصيحينى...اصل الحلم مكنش حقيقى

اصل الحلم مكنش حقيقى

وعد حبيبتى


انت حببنى....اوى يا حبيبتى
مش هتسبنى...مهما ان غبتى
ولا يوم هنساكى..هعيش وياكى
ده انتى حياتى وروحى وحبك جوه فى قلبى غلبنى

استحاله انى افارقك..اصلى بحبك لأ انا عاشقك
فى كل مكان تلاقينى كمان..روحى وعينى وقلبى انا سابقك

حبيبتى حقيقى انا مش لاقى..اى كلام يوصف اشواقى
وايه فى الدنيا يوم راح يوصف..ياحبيبتى لهفة اشواقى

كل كلامى اكتر واكتر..عمره حبيبتى فى يوم مايعبر
ده انتى حبيبتى غاليا وحبك..حب غالى مش يتقدر

ده انتى قمر اليل ووصفه..ملاك برىء الحلم تصادفه
جوايا ليكى كلام كتير...لكن تاه منى مش عارفه

الحب عشق والغرام..مش محتاجه فى يوم كلام
الى عارفه حاجه واحده..انى بحبك ع الدوام

وعد منى حبيبتى اكيد..عنك عمرى ما هبقى بعيد
هاتى ايديكى ويا ايديا..عمر الايد ماتسيب الايد

بكرهك


كل دقة قلب..لحظه فيها تحب
كل ده كان ليه..كل ده كان كدب

كسرتى قلبى وبعتينى جيتى عليا جرحتينى
بعد ده كله ازاى اصدق.. لو قلتى يوم بتحبينى
جيتى عليا كتير ياما.. من غيرعتاب ولا ملامه
خلاص مبقاش يفيد
قدرتى فيا تهدينى... وكان زمان بتعاهدينى
عمر الحب مايبقى بعيد
بس برافو عليكى بجد.. كان فى خيالى ابعد حد
ان مابينى وبينك سد.. تبنى السور عالى وترمينى

عمرى ما الومك ولا اعتبك.. ولا لحظه فيها راح ححسبك
راحل عنك سايب قلبك.. هبعد عنك ايوة هسيبك
كنتى بتجرى بين شرايينى.. فاكر قلبك انه شارينى
ليه كسرتى اجمل صورة
خنتى حياتى وروحى وعمرى.. متصورتش ابدا عمرى
ان مشاعرى تبات مكسورة
الى مابينا خلاص بقى ذكرى.. عمر ماتفضل فيا لبكره
من جواكى خليكى فاكره..عمرى ما اقول لحظه وحشتينى

مش هبكى




انا مش هبكى دمعه عليك ....انا مش هرجع تانى اليك
عمرى ما هرجع يوم واشتاق..للمسة من ايديك

مهما تعيش مجروح وتقاسى..قلبى الطيب اصبح قاسى
عمر مايرجع يوم احساسى..لو مطر الدموع فى عنيك

مهما اتجرح مهما اتألم...مهما اعيش فى الدنيا اتظلم
عمرى ماهرجعلك انا تانى...عمرى ماهرجعلك واسلم

مهما اتجرح مهما اتوجع..عمرك ليا فى مرة هترجع
عمرى مابرجع يوم فى قرارى ..او هندم او عينى هتدمع

عمرى فى يوم على نفسى ماهقبل..انك جوة فى قلبى هتفضل
والورد اللى بدمعى رويته... كله خلاص دلوقتى بيدبل

عمرى ماهرجعلك انا تانى... لو راح ترجع ليا عشانى
قلبك جارح هيعيش جارح ..ولا يتغير حتى ثوانى

بحبك يا انا


حبيبتى يا عمرى يا انا..يا معنى الحب والهنا
وياكى مهما ان كان ..لو فات مليون سنه

حبيبتى يا شمس عمرى..ضلى وليلى وقمرى
مين غيرك ياكل حياتى.. مسلم ليها انا امرى

حبيبتى يا قلب من ماس..ياارق واحلى احساس
بحبك انتى يااغلى..من كل البشر والناس

بهديلك قلبى واشتياقى ..وفرحه توصفها اشواقى
يااجمل حب فى الدنيا..عليكى يا عمرى انا باقى

حلمى معاكى اتحققلى.ايوة ومش متهيئلى
بحبك انتى يا اجمل حب ..حب رقيق متزوقلى

وحشتينى اوى



نفسى اطير فوق السحاب..واجرى عليكى من غير حساب
ما انتى بعدك عنى ساب..الف جرح والف اه

حبيبتى من غيرك حياتى..لا لاقى نفسى ولا لاقى ذاتى
جوه عينى يا دمعه باتى..من غيرك يا عمرى مفيش حياه

زى طير حزين اسير..ساكن قفص عاجز يطير
وياكى قلبى يعيش امير..من غيرك انتى طريقى تاه

حلمى عمرى يا عمرى تانى..ترجعيلى ولو ثوانى
كل مافيا يقول وحشانى.. حلم قلبى وكل مناه

قلبى وعينى مش بتنام..بحلم بيكى يا احلى غرام
ايوة حبيبتى حقيقى حرام..قلبك انى مكنش معاه

بعدك قلبي حزين متكتف.. وسط دموعى وجراح تنزف
وحشانى وقلبى متلهف...لأجمل ملك ماشاء الله

ضحكة عيونها متتحكيش..زى البراءه متتنسيش
بحلم معاها انى اعيش..لاخر لحظه فى الحياه
وحشتينى

بحبك ليه


بحبك ليه عشان
اولها انك اميره...رقيقه بريئه وجميله
ملكيش فى الكون مثيله..بلاقى معاكى الامان

بحبك ليه عشان
عشان بلقى فى عنيكى..براءه الله عليكى
حضنك لمسه ايديكى..نبع الدفا والحنان

بحبك ليه عشان
بحبك يا معنى الفرحه..ياعيون بريئه وسرحه
يا وردة حب طرحه..يا اجمل ما فى البستان


بحبك ليه عشان
بحبك ومش هقولك هسيب قلبك يدلك
هيقول ان انا مشتاق لك..هيقول ان انا ولهان

بحبك ليه عشان
بحبك عشان بلاقى ...وياكى فرحة اشواقى
بحلف بالله انا باقى.. عليكى مهما ان كان

وحشتينى


وحشتينى وحشتينى..ياحب عمرى وسنينى
واشتقت لكل همساتك..لضحكه بريئه تنادينى

وحشنى قلبك الوافى..يا قمر عمرى وليل دافى
بحبك ومش كافى ..عليكى كلمة وحشتينى

وحشتينى ياكل دنيايا..وقربك حلمى ومنايا
تعالى يا عمرى ويايا..فى حضن عنيكى ضمينى

بحبك ومن وصفى..عاجز يوصفك حرفى
ما لاقي فى يوم كلام يوفى..قمر عمرى وحب سنينى

من غيرك قلبى متغرب..وقلبى بالهم متشرب
حلمى البعد يتقرب..والاقيكى قصاد عينى

حبيبتى هقول واعيد تانى..حبيبتى يا عمرى وحشانى
مش لحظه دقيقه وثوانى..ده كل دقه من قلبى
بتقولك وحشتينى

بحبك اوى




بحبك وبخاف عليكى..واغلى من عمرى ليكى
وهعيش وهموت ياغاليا..عاشق ضى عنيكى

اسمحيلى انى اقولك ..على بعضك انتى وكلك
اسمحيلى اكون ليكى..قمرك شمسك وضلك

ده انتى كل حياتى..عمرى اللى راح والأتى
اللى معاها عايش..احلى ذكرياتى

انتى اللى ادتينى..الفرحه وخلتينى
اكون اسعد انسان.. والفرحه تسكن عينى

انتى كل ماليا..اقرب منى ليا
يا ارق واحلى واجمل..اجمل حاجه فيا

مهما انا قلت ما هقدر..عن حبى انى اعبر
احساسى حبيبتى بيكى..من وصف الحب اكبر

انا ايوة متيم بيكى..ووخدنى ضى عنيكى
وبحبك لأ انا عاشق..ودى كلمه قليله عليكى

بحلم اقضى ع اليهود


انا بحلم انى اقضى..على كل يهودى فى ارضى
والحق يرجع تانى...وسنين الظلم تمضى

بحلم اقضى ع اليهود..اللى خانوا كتير عهود
والاقصى تانى يعود...وأكمل حلم جدى

بحلم احقق حلمى..واطوى كل المى
وارفع فى العالى علمى..وارجّع تانى مجدى

بحلم اشوف الحق...والاقيه فى القلب دق
واقول للظلم لأ...على ارضى مش هتعدى

اسمحيلى



اسمحيلى الورده انى اهدهالك...غنوه فوق القمر واغنهالك
واسمحيلى احساس بحبك..اسمحيلى اقولهالك

انا بحبك انا عاشق..وفى بحر حبك انا غارق
حبيبتى سبحان اللى خالق..سحر عيون ومفيش مثالك

ياللى كلمة جميله..فى الوصف عليكى قليله
يا اجمل ما فى الدنيا
ياوردة شوق محبه..اغلى اعز الاحبه
يا اجمل حاجه فيا
وياكى كل ثانيه..الفرحه طيف حوليا
مش لاقى كلمة تانيه.. غير عاشق وبقولهالك

ياقلبي افرح واتهنى..عشت خلاص فى الجنه
ومعاك اجمل مخلوق
رقه وسحر دلاله..ومفيش فى الدنيا مثاله
ضحكته للدنيا شروق
انا لأه مكنتش عايش..او واحد انسان طايش
وضعيف فى الدنيا وهايش..غيرتى حالى بحالك

فارس احلامك


مين فارس احلامك...تحلمى بيه فى منامك
مين شيفاه قدامك...مالى عليكى حياتك

مين هو الانسان..وقت الشده يبان
وياه بتنسى الاحزان...وينسيكى اهاتك

مين هو المستقبل...قلبك بيه راح يقبل
جوه فى قلبك يفضل...يسعد كل اوقاتك

مين لما تقابليه..قلبك يفرح بيه
عمرك كان قبليه...ندمانه ع اللى فاتك

انتى الحب


انا مش عارف اقولك غير...انتى الحب وانتى الخير
وانا وياكى فوق السما..طاير حر زى الطير

وانا وياكى حقيقى بكون..اسعد واحد انا فى الكون
انا مش عارف اوصف انى ...بحبك عاشق بيكى مجنون

انا لعنيكى مسلم امرى..ما انتى حياتى وروحى وعمرى
وانا وياكى بنسى حقيقى..كل عذابى جراحى ومرى

انتى الحب اللى خلانى..ابقى حقيقى واحد تانى
عشت معاكى اجمل دنيا..كل لحظة دقيقه ثوانى

انتى يا اجمل قصه حكايه..حب غالى ماله نهايه
كل حياتى حلم وحيد..انك بس تكونى معايا

حن يا ماضى


ده شعر كتبه صديقى عبدالله ياريت نعرف رأيكم ايه

فاكرين مسلسل قصة حب
كان فيه تتر بأغنية اسمها حن يا ماضي
التتر كان بيضايقني بجد لأن...ه كان بيلمع العلمانية وبيظهر الإسلاميين في صورة بشعة
وبيقارنهم بمجرمي أمن الدولة
وفي المسلسل نفسه كانوا بيلمعوا أمن الدولة
...

النهاردة طلع معايا أعمل كلام على نفس نسق التتر ده لكنه يكون حق مش تضليل
وبنفس العنوان

عايز رأيكم
--------------------------------
ارجع يا زمان, حنّ يا ماضي
أيام إسلامنا ما كان عالي
ولا فتوى في دين تعمل أزمة
ولا جهل كبير ضيّع أمة
ولا ظلم عظيم حاكم قاضي
حل يا قاضي

***

تصوّر لما منّا من قال للظلم لا
بيهم امتلت سجونّا وصرخوا بألف آآآه
...
فيه ناس خرجت تجاهد
وناس هدمت مساجد
...
وشعوب في الهمّ تاهت بمعسول الكلام

***

فيه ناس إسلامها شدّة بتكفّر الأنام
وناس إسلامها رحمة بتهديهم أمان
...
فيه ناس إسلامها ظاهر
وناس إسلامها طاهر
...
وبلاد بشعوبها ثارت بتنادي يا إسلاااام

***

ارجع يا زمان, حنّ يا ماضي
أيام إسلامنا ما كان عالي
ولا فتوى في دين تعمل أزمة
ولا جهل كبير ضيّع أمة
ولا ظلم عظيم حاكم قاضي
حل يا قاضي
------------------------------------
عبد الله
http://www.facebook.com/bidobook

ارجوكى لحظه


ارجوكى لحظه متتكلميش... انا اللى اسف متتأسفيش
انا اللى بعتك انا خدعتك...انا اللى خاين مصونتكيش

انا اللى ظالم وكتير قسيت..ربى اللى عالم بقول ياريت
فضلت جنبك جوه قلبك..بقول يارتنى مسبتكيش

انا اللى جارح ومش صريح..قلبك انا سبته جريح
بالله عليكى قولى لعنيكى..قولى لعنيكى مدمعيش

انا اللى بعت انا اللى خسرت..قلبك انتى عليه قدرت
شارينى بعته قسيت خدعته...قلبى حقيقى ميساويش

رفرف يا علم الحريه


زفوا الورد وقيدو شموع..حسنى خلاص ملهوشى رجوع
ياحريه اخرجى من سجنك..واوعى يا فرح تقول ممنوع

ايوة خرجت خلاص من حبسى..قادر افرح واخد نفسى
واوعي ياريح الظلم تعاكسى..صوت الظلم مهوش مسموع

نرفع فوق علم الحريه..مصر يا غاليا يا ام الدنيا
رجعتى تاني شابه صبيه...انسى زمان كان اسمه خنوع

النهارده يابلدى ميلادك..عيد الفرحه لكل ولادك
يا مصر فى دمى بيجرى ودادك..وشايلك ياغاليا مابين الضلوع

مصر يا اسم يهز كيانى..ساكنه بروحى وبوجدانى
اعرفى ان معتش تانى..كلمة خوف كلمة موجوع

ايوة يا مصر وم النهارده..استحاله ان هرضى
ان تدبل فيكى الورده...ارضك ترويها الدموع
...........................................................................
ولا تحسبن الذين قتلوا في سبيل الله أمواتا بل أحياء عند ربهم يرزقون

رسالة الى حسنى مبارك


من حقى اعبر عن رايى.. من حقى اطرح افكارى
مش عايزك ايوة ومن حقى...انا مش هكتم اشعارى
مش عايزك واعرف حاجه مهمه..لازم منك اخد تارى

مش عايزك وبعلو الصوت..وبقولها ومش خايف الموت
اصل خلاص مايفدش سكوت...ارحل عنا وسبنا نعيش

عايزك تعرف ان خلاص..قيمتك راحت بين الناس
كل الشعب عليك اهو داس...لكن انت دم مفيش

ايوة بقولك عمرى ما هقبل ..ان معاك يبقى المستقبل
نفسى الاقى بلدى اجمل..وكل وعودك متكفيش

30 سنة والمصريين..مر وذل كتير شاربين
مصر قالت بالملايين...انك خاين مصونتنيش

لو انت مصرى بجد


لو انت مصرى بجد..لو بتخاف عليها
مش هتخلى حد..بايده يهد فيها
نبقى يد فى يد..بإيدينا نعليها
الكل يعمر يبنى..ابويا واخويا وابنى
بإيدينا نهد الشوك..بالحب نروى الورد

مصر عليها نخاف...مهما الواحد شاف
منها لازم نبقى..كلنا انسان واحد
دى مصر لو نوصفها..عمر ما هننصفها
ايدى فى ايدك نقوى..ولا ندّى فرصه لجاحد
وياريت كفايا ضعف..ونلملم تانى الصف
ترجع مصر تانى..ارض الحضاره والمجد

وبكل حب بنادى..للى بيحب بلادى
مصر دى غاليا علينا..حبها ساكن بعنيك
وبقول لكل ناسنا...مصر دى تاج على راسنا
مصر نفديها بعنينا..ارجوك بالله عليك
ياالى عايزها دمار.. مش عايز مصر عمار
مصرمش هتموت..جوه كل فرد

القلب الوافى


حبيبتى القلب الوافى..معنى الحب والاخلاص
بعدك خلاص مافى ..للفرح اى اساس
بعدك رميت الورد..والدمع مالى الخد
حبيبتى خلاص سافرت..سلام يا اغلى الناس

سلام يا اغلى من روحى..يا قلب مداوى لجروحى
القلب وكل دقاته..معاكى مطرح ماهتروحى
لاهقدر انى انساكى..ومهما بعدتى وياكى
ده قلبى وعينى رسماكى..شايلك ياغاليا فوق الراس

فى بعدك انا بكتب..باللحظه والثانيه بحسب
بعدك لو قلت عايش..من غيرك يبقى بكدب
ده كل لحظه تفوت..فى بعادك كأنى بموت
وبقولك بعلو الصوت..وحشتينى يا عقد الماس

وياكى



وياكى كل يوم احساسى...ليه عمال يزيد
ياتاج شايله فوق راسى...كل لحظه معاكى عيد

بحبك واسمحيلى احبك...وافضل فيها اقول واعيد
ومهما راح فين قلبك...جوايا ومش بعيد

حبك بقلبى ساكن... فى الدم وفى الوريد
مشتاق ايوة لكن...كل لحظه بشوق جديد

ياحلم حلمته واتحقق...ياملاك من نوع فريد
معقوله ده مين يصدق...الايد بتلمس ايد

قلبى عايز يحكى...اد ايه سعيد
من فرحته بيبكى...دمعة فرحه اكيد

وياكى بيتزوقلى..الفرح بفرح شديد
صحيح ولا بيتهيئلى..الحب شموعه بتقيد

لو

لو اتقالتلك كلمة بحبك متصدقهاش..فى ناس ظالمه وجارحه قلبها غشاش
كنت فاكرهم حبايبك..هيعيشوا العمر جنبك
اول يوم ما باعو..باعوك انت بلاش

مش ححبك تانى


على اد ما حبيتك اوى..على اد ما كرهتك اوى
ضعيف زمان قصادك انا..دلوقتى قلبى خلاص قوى

على اد ما كنتى..اكبر من وصف حبيبتى
دلوقتى بتمنا..لو طول العمر غبتى

مش بحلم خلاص تانى..اقابلك لو ثوانى
مبقاش جوايا ليكى..حب وحنين وامانى

كنتى كل حاجه..اغلى وارق حاجه
معلش ياقلبى انك..طيب مليان سذاجه

وانا كنت من طيبتى..اموت لو لحظه غبتى
مش عايز تانى اشوفك..انتى مش حبيبتى

خلاص ذكرى وكانت..لحظات حنين وفاتت
قلبى خلاص قالها..حبيبتى انا ماتت

الورده اللى كات طرحه..حنين اشواق وفرحه
مش عايز انى افتكر..انسانه ظالمه وجارحه

خلاص مات الكلام..اى حنين وغرام
وداع يا حنينى ..حبيبتى خلاص سلام

قصدى ياللى كنتى..ايام زمان حبيبتى
ايوه مش هبكى..ولا تنزل فى يوم دمعتى

انجرحت ايوة منها..وعينى نزلت دمعتها
غصب عنى مقدرتش..احوش دموعى لحظتها

وياقلبى عيش سنينك..وانسى اللى كان حنينك
وداع خلاص هقدر..انسى اللى بينى وبينك

خلاص لو انتى الحياه..اسمعينى انتى يا
مش ححبك عمرى تانى..قلبك خلاص هنساه

شعر رومانسى

قصيدة مين اللى زيك من كلماتى والقائى


شعر سياسى

السلام عليكم ورحمة الله اولا انا بعتذر على البوست اللى فات لانى حذفته
والنهارده جايب اول شعر ليا اقوله بصوتى وضفته على اليوتيوب يارب ينول اعجابكم

القصيدة كلماتى والقائى بعنوان حاجه تضايق
واول تجربه بيبقى فيها عيوب دايما فسامحونى
طولت عليكم اسيبكم مع الفيديو يارب يعجبكوا


لا للتدخين





ارميها من ايدك..حرام عليك
ايه منها يفيدك ..بالله عليك

حرام عليك ليه تدخن...هتستفاد ايه منها
انت اولى بقرش احسن..والصحة ليه تعدمها
عمال تشرب اكتر.والرئه من جوه تدمر
ارجوك بعقلك يوم فكر..واوزن امورك واعقلها

دخان طاير ايه يفيدوك...حرام عليك حقيقى بجد
لما ولادك يقلدوك..ساعتها ايه الرد
كل سيجاره تحرق مالك..وضر بيتك وعيالك
يلا بسرعه غير حالك..يلا بنفسك حط الحد

وانت يا طفل يا صغير..ياللى فرحان بالدخان
عمر السيجاره مابتغير..ولا للرجوله كانت عنوان
الرجوله ادب اخلاق..الرجوله دى شىء بناء
اما اللى فى ايدك دى وباء..بدمر جسم الانسان

كل سيجاره بيها بتحرق..قلب ورئه وكمان شرايين
غير من عمرك عمال تسرق..كل ده سببه التدخين
يلا ابعد عن اى سيجاره..وكفايا الام وكفايا مراره
كله يقول وبكل جداره.كله يقول لا للتدخين

بحبك يا امى


انا لو هكلم عن.. اجمل قلب واحن
مفيش غير قلب امى
انا لو هوصف وصف.. عن الحنان والعطف
مين غيرك يا امى
مين غيرك يا ست الكل.. يا شجرة ياسمين على فل
يا شمس شروق م السما بتطل.. يا نبع الحنان والامن

امى الغاليا عليا.. روح قلبى وضى عنيا
من غير ما احكى واشكى.. قلبها حاسس بيا
امى اللى انا بعشقها.. دى الجنه تحت اقدامها
طول عمرى هكون خدامها.اضعاف عمرى يا امى شويا

امى الحضن الدافى.. قلب حنين وافى
وارمى نفسى فى حضنك.. حضنك لهمومى شافى
بحبك يا اجمل ام.. ياارق حضن يضم
عشان خاطرك يا امى.. ادوس ع الشوك ولو حافى

امى ملكيش مثيل.. وقلبك اجمل جميل
مهما ان قلت حكيت .. فى حقك يا امى قليل
يا امى يا اغلى حبيبه..يا نبع الامان والطيبه
من غيرك فى دنيا غريبه..ولا ليا اى شأن
انا لو هكلم عن

عودوا يا ناس


عودوا ياناس تانى للقدس...رجعوا ليها ليالى العرس

عودوا ياناس طب ايه تبريركو.مين هيرجع الدين غيركو

عودوا ياناس رجعوا للأم...ابنها تانى ليها يضم

عودوا ياناس رجعو العهد..رجعو كل شىء انهد

عودوا ياناس تاخدوا بتار..تار الدره وغيرو كتار

عودوا ياناس بسلاح الحق..كله يقول للظالم لأ

الوطن المر



هحكى اليوم عن حال البلد..اللى لا شيخ ولا بنت وولد
من جواه راضى عن حالها..اصل الكل منها اتجلد

لالالا مش قصدى الكل..ما هو فيه ناس عايشه مية فل
ناس عايشه بتتحكم فينا..عايزه نكون فى عذاب وفى ذل

هحكى عن بلدى المحبوبه..الل ليل ونهار منهوبه
اصل حاميها فيها حراميها..والاحوال فيها مقلوبه

النهارده انا هحكى هقول..وكلام عنه انا المسؤول
فجر الحق هتيجى تنادى..مهما ان ليل الظلم يطول

انا مش لاقى الوطن الحر..انا مش لاقى غير المر
شايف ناس عايشه وشقيانه..فى كل لحظة دقيقه تمر

انا مش لاقى ولا انجاز..ولا نهضه ولا شىء اعجاز
انا مش شايف غير ازمات..ميه ونور وكمان الغاز

انا مش عارف اوصف حالنا..اصل حالنا فوق احتمالنا
ياما سمعنا ياما وعود..ايه منها اتحقق او جالنا

يا حكومة فين التدبير..وبلاش تانى نقول تغيير
شايف مية مليون حاجه..ابسط حاجه العيش طوابير

انا مش شايف غير انه ساد..فى بلدنا ظلم وفساد
احنا فى وادى وهم فى وادى...والاسوأ عمال يزداد

بص وقوللى فين العداله..هات لى ولو ربع دلاله
لسه فيه يا مصر فيكى..ناس بتاكل م الزباله

بص بعينك شوف هتلاقى..ايه حوليك غير شىء عشوائى
ناس فى مقابر ساكنه وعايشه..ايه تانى فاضل او باقى

واللى عندى خلاص اتقال...وكأنه فعلا ما اتقال
قالى هتسكت او تتكلم..برضوا هجبلك بكره جمال

قلم وورقه


جبت القلم والورقه..كتبت ودموعى سابقه
اول حرف دمعى..وجراحى وكل وجعى
وحروف حياتى كلها..دمع بيطفى شمعى


كتبت ودمعى مالى ..عيونى وكل حالى
من حبايب ودعونى...ليه اعز الناس سابونى
والزمن بقى بيا خالى

كتبت حروف سنينى..والدمع مالى عينى
واعيد كل اللى فات..واقلب ذكريات
وذكريات حنينى

كتبت عن الايام.. اللى فيها الام
عن جرحى عن مرى..اقصد عن حلم عمرى
اللى كان اوهام

كتاب حياتى سطور..دمع مطر وبحور
حياه بالمر مسقيه..ليالى الفرح مطويه
مسجون بمليون سور

كتبت عن امر..يوم فى حياتى مر
عن هم الكون عشقنى..لو افرح حزنى سبقنى
فى كل خطاوى العمر

كتبت عن طيرى..ولا عارف ايه مصيرى
كتبت اخر حرف...بكل رعشه و ضعف
حبيبى هيكون لغيرى