تنبيه لدخول الموقع مره اخرى عن طريق جوجل اكتب ( الحنين محمد حسن )

حلم حياتى


عنيها جت فى عنيا... كات لحظه متتنساش
كان اجمل مافى الدنيا ..ممكن يوم يتعاش

قلتلى كتير كلام.. فى الحب وفى الغرام
بحبك اوى يا حبيبى.. عشقاك من غير كلام

كنت شايفها ملاك ادامى..قلب يداوى كل الامى
اول مره احس حقيقى..ان بتحقق احلامى

قلتلى كلام خلتنى ..غصبا عنها بكتنى
قلتلى ياريت زمان...كنت قبلتك يارتنى

قلتلى انها عشقانى..وعلى استعداد علشانى
تتحدى العالم كله..ومتسبنيش لثوانى

ان انا فى حياتهاالامل...فرحها ويايا اكتمل
وعدتنى تكون ويايا..ولا تبعد مهما اتعمل

واتمشينا واحده واحده..وانا عينى سرحانه شارده
لقتها نادتلى تقول يا حبيبى... وبتهديلى اجمل ورده

قلتلى بحبك طول الوقت ...فى كل لحظه ليك اشتقت
قلتلى فى بحر الحب خلاص.. وياك انت حبيبى غرقت

قلتلى ان انت النور لطريقى ...جوايا قلبك هو شريكى
فجأه لقتها فارقت عينى..اصل خساره اللى شافته عينى
كان حلم واخويا يصيحينى...اصل الحلم مكنش حقيقى

اصل الحلم مكنش حقيقى

هناك 6 تعليقات:

  1. ياسمين محمد9 أكتوبر، 2011 11:16 ص

    كلام جميل اوى وحساس حلو بس هو حقيقه مش حلم وربنا يوفقناااااااااا

    ردحذف
  2. يارب ياياسمين يوفقكم ويارب قريب أحضر فرحكم ولا مش هتعزمونى والله اعيط اهئ اهئ اهئ ربنا يخليكم لبعض يا قمر

    ردحذف
  3. مش توقعت كدة !!!

    كان نفسى يكون حلم البوست الرائع الجميل دة
    يكون حقيقة مش حلم ......

    وبجد لو كان حلم يارب يتحقق
    بجد احساس رااائع واسلوب بسيط اوى ومعبر بكل كلمه فيه

    بجد جميييييل اوى جدااااااا

    تحياتى
    تقبل مرورى

    ردحذف
  4. مبروك مقدما

    المهم دعوة الفرح

    تحياتى

    ردحذف
  5. حلو اوي بجد والبوست روعه والفكره جامده اوي بجد

    ردحذف
  6. خيالك في الشعر بجد تحفه وكلماتك معبره جدا

    ردحذف