تنبيه لدخول الموقع مره اخرى عن طريق جوجل اكتب ( الحنين محمد حسن )

رحلة اوهام




وعملت اللى عليا معاكى انا وزياده..اديتك حب وفرح وشوق وسعاده
حبيتك لكن مش لاقى ...غير جرح فى جرح بيتماده

قصر عالى فى قلبى بنتلك..كل مشاعرى ليكى ادتلك
ياما مسحت دموعك ياما.. وقت مااحتجتينى ايديا ليكى اتدمتلك

اتعذبت كتير من جرحك..كنت بشاركك حزنك فرحك
لكن من غير اسف مش هقدر ..ان انا ارجع تانى واسمحك

على اد الحب اللى اناحبيته..والشوق اللى فى قلبى اديته
كان قصر فوق السما عالى..بقسوه قلبك انا هديته

ايه اللى عملته معاكى عشان..تبعينى بأرخص اتمان
اناقلبى غالى ومش ممكن..يستحمل منك يتهان

قلبك بقى من كتر القسوه..عندى رخيص اصبح ولا يسوى
قلبى اتعلم منك انه..ميعش ضعيف لازم يقوى

انا هبعد من غير لاسلام...ولا حتى هنطق بكلام
عمرى خساره ضاع وياكى..فى رحله حب كانت اوهام

هناك 7 تعليقات:

  1. ياسمين محمد18 أكتوبر، 2011 1:21 م

    محمد بجد خاطره حلوه اوي بجد جميله تسلم ايدك بس انت مش لايق عليك الحاجه الحزينه هيه بس ههههههه بس بجد البوست كمان حلو اوي ربنا يخليك ليا ياحبيبي وتعيش دايما وتكتب حجات حلوه

    ردحذف
  2. روعة بجد بجد فعلا المرة دى ابداع ويسلم قلمك ولو انى لى عتب عليك مبقتش بتسأل خالص ولا معبر ولا هو اللى لقى احبابه نسى اصحابه ولا يعنى عشان ياسمين قمر منور الدنيا كلها تقوم تاخد عقلك كده وتخليك تنسى صحابك وبعدين ده انا مدونتى لزقه فى مدونتك علطول يدوبك خطوتيم خلاص ياسيدى ابقى تعالى ف توك توك وانا هحاسب هههههههههه واوعى تنسى تجيب ياسمين معاك

    ربنا يسعدكو ويخليكو لبعض ولا ميحرمكوش من بعض ابدا ونفرح بيكو قريب

    ردحذف
  3. قلم جميل وخواطر اجمل
    تسلم الانامل
    لك باقة من الياسمين

    تحياتي

    ردحذف
  4. بجد كلمات بسيطة اوى ومعبرة جدااا لكل حاله فيها

    بجد جميلة اوى

    تحياتى
    و عيد سعيد

    ردحذف
  5. وحشتني كتير يا حماده
    بجد مفتقداك اوي
    فينك ولا بتسأل عليا ولا حاجه خالص

    انت عارف رأيي في كتاباتك
    انت شاعري الاول دايما
    ربنا يسعد اوقاتك ياحماده

    ردحذف
  6. عام مضى.... بكل ما فيه من اعمال خيرها و شرها .. جعل الله جميع اعمالنا مباركة صالحة .. وأن يغفر الله خطايانا و ذنوبنا..
    و عام نستقبله بكلّ الأماني .. و تجديد النيّة فيه بان تكون جميع أعمالنا خالصة لوجه الله .... و العزم على التقرب لله تعالى .. في الصالحات من الاعمال و الافعال

    اسمى آيات التهانى و التبريكات الى جميع الاخوة والاخوات ... و الامة الاسلامية و العربية .. بهذه المناسبة العظيمة .. جعلها الله سنة خير و بركة...

    و نصر الاسلام و المسلمين ... في شتى بقاع الأرض
    كـــــــــــــــــــــــــل عــــــــــام وأنتم بخـــــــــــــير

    ردحذف
  7. عارف يا محمد
    لو بتشوف قناه المصراويه
    بيجي عليها مطرب اسمه احمد عامر
    كل ما اشوفه بيغني افتكرك
    هتسألني ليه وازاي
    هقولك مش عارفه

    ردحذف