تنبيه لدخول الموقع مره اخرى عن طريق جوجل اكتب ( الحنين محمد حسن )

اسمحيلى



اسمحيلى الورده انى اهدهالك...غنوه فوق القمر واغنهالك
واسمحيلى احساس بحبك..اسمحيلى اقولهالك

انا بحبك انا عاشق..وفى بحر حبك انا غارق
حبيبتى سبحان اللى خالق..سحر عيون ومفيش مثالك

ياللى كلمة جميله..فى الوصف عليكى قليله
يا اجمل ما فى الدنيا
ياوردة شوق محبه..اغلى اعز الاحبه
يا اجمل حاجه فيا
وياكى كل ثانيه..الفرحه طيف حوليا
مش لاقى كلمة تانيه.. غير عاشق وبقولهالك

ياقلبي افرح واتهنى..عشت خلاص فى الجنه
ومعاك اجمل مخلوق
رقه وسحر دلاله..ومفيش فى الدنيا مثاله
ضحكته للدنيا شروق
انا لأه مكنتش عايش..او واحد انسان طايش
وضعيف فى الدنيا وهايش..غيرتى حالى بحالك

هناك 11 تعليقًا:

  1. ياسمين محمد2 مايو، 2011 3:12 م

    حبيبي بجد جميله اوي تسلم ايدك ويسلملي احساسك بجد مشاء الله كلمات جميله واحساس اجمل ربنا يوفقك يارب

    ردحذف
  2. ياااااااااااااااه بجد كتبت ف أبدعت روعه وصعب انى اوصفلك قد ايه هى جميله ورقيقه يسلم قلمك ويسلم احساسك العالى صادقه هى كلمات لذلك تصل الى القلب
    تحياتى لك وتقبل مرورى يا محمد يالى مبتسألش

    ردحذف
  3. حين تعشق لا تحتاج لأذن لانك ستكون حينها عاشقاً"
    ؛؛
    ؛
    حرفك رقيق عذب بجمال إحساسك
    لروحك عبق الغاردينيا
    كانت هنا
    reemaas

    ردحذف
  4. يا قلبى افرح واتهنى عشت خلاص فى الجنه

    احساس جميل جدا يا محمد

    ربى يسعدك

    ردحذف
  5. احساسك دايما رقيق وردة غالية لحبيبة غالية
    تقديري واحترامي

    ردحذف
  6. وحشتنى اوى يا محمد
    يارب تكون بخير ويطمنى عليييييييييييك

    ردحذف
  7. رائع ما خطه قلمك بجد عشت مع كل كلمة ومع كل حرف
    ربنا يكتب ليك كل الخير والسعاده ياحبيبى

    تحياتى
    ايناس

    ردحذف
  8. احساسك صعب اوصفه
    احساسك صادق من قلب هادي حنون
    يسلم احساسك
    وتسلم مشاعرك
    ويسلم قلبك الطيب

    ردحذف
  9. محمد
    انا حاسه انك زعلان مني
    ياريت تقوللي ايه السبب

    ردحذف
  10. محمد بجد جامده اوي يابخت حبيبتك بيك بجد ١٠٠فل وعشره ومبروك ع الخطوبه والله تستاهل كل خير

    ردحذف
  11. بجد تحفه حلو اوي يافنان

    ردحذف