تنبيه لدخول الموقع مره اخرى عن طريق جوجل اكتب ( الحنين محمد حسن )

بحبك يا امى


انا لو هكلم عن.. اجمل قلب واحن
مفيش غير قلب امى
انا لو هوصف وصف.. عن الحنان والعطف
مين غيرك يا امى
مين غيرك يا ست الكل.. يا شجرة ياسمين على فل
يا شمس شروق م السما بتطل.. يا نبع الحنان والامن

امى الغاليا عليا.. روح قلبى وضى عنيا
من غير ما احكى واشكى.. قلبها حاسس بيا
امى اللى انا بعشقها.. دى الجنه تحت اقدامها
طول عمرى هكون خدامها.اضعاف عمرى يا امى شويا

امى الحضن الدافى.. قلب حنين وافى
وارمى نفسى فى حضنك.. حضنك لهمومى شافى
بحبك يا اجمل ام.. ياارق حضن يضم
عشان خاطرك يا امى.. ادوس ع الشوك ولو حافى

امى ملكيش مثيل.. وقلبك اجمل جميل
مهما ان قلت حكيت .. فى حقك يا امى قليل
يا امى يا اغلى حبيبه..يا نبع الامان والطيبه
من غيرك فى دنيا غريبه..ولا ليا اى شأن
انا لو هكلم عن

هناك 14 تعليقًا:

  1. حلو اوى الكلام دا

    ربنا يخليهالك وميحرمكش منها ابدا

    ردحذف
  2. طبعا
    كلام أكيد
    كلماتك جميله لست الحبايب
    ربنا ما يحرمك منها ولا هى تتحرم من حنيتك وحبك ليها

    ردحذف
  3. انا احترت فيك يامحمد
    احساسك نادر وجوده
    بجد انت ملكش وصف
    كلماتك بتمس القلوب أوي
    جمال حرفك مجنني
    بصراحه انت كينج
    ربنا يديم حنيتك وجمال قلبك
    ويخليلك مامتك
    وعمرك ماتتحرم منها
    و

    ردحذف
  4. السلام عليكم
    ربنا يحفظها لك ويخليها
    كل يوم بتكبر بعنيا
    كلامك حلو ومحتارة اقول ايه
    كلامك تحفة ربنا يخليلك امك
    اخبارك ياشاعر العصر؟

    ردحذف
  5. الله الله

    شعرك رائع

    وهمساتك ساحرة

    نعم ان الام هى اروع واجمل شئ نملكه

    زورنى فى جايدا العزيزي

    وستجد بعض القصائد التى تروقك

    تحياتى

    ردحذف
  6. ربنا يوفقك يارب ويكتب ليكى كل الخير وحشتينى اووى

    الام هى اجمل شىء وهبنا الله اياه من غيرها بجد الحياة مضلمه

    ربنا يشفى امى وامهات المسلمين اجمعين

    وربنا يسعدك على رقة كلماتك الخطيره

    ابدعتى يا قمرتى

    وحشششششششششتينى اوووى

    ردحذف
  7. جاء رجل إلى النبي صلى الله عليه وسلم فقال يا رسول الله من أحق الناس بحسن صحابتي قال أمك ,قال ثم من قال أمك , قال ثم من قال أمك, قال ثم من, قال أبوك ثم أدناك فأدناك
    صدق رسول الله صلي الله عليه وسلم
    ___________________________________

    ويوم تموت الام ينادي منادي من السماءيا بن ادم ماتت من كنانكرمك من اجلها فاعمل صالحا نكرمك من اجله
    ___________________________________

    كلماتك بجد رااائعه بارك الله فيك

    ردحذف
  8. ربنا يخللي لك أمك و يخللى لكل من له ام أمه

    يا رب

    بوست جميل

    دمتى بخير

    ردحذف
  9. حاضر يا استاذ احمد

    هنزل اشعار كتير

    بس كمان شعرائنا ونجومنا ليهم حق علينا

    اشكرك على المتابعه

    واعدك اننى ساقوم بعرض اشعار كثيرة الايام المقبله

    ومزكراتى الخاصه عبارة عن اشعار بسيطه بقلمى

    دمت

    تحياتى

    ردحذف
  10. ما اجمله حب وما اجمله قلب .. قلب الام
    انت بدون ان تشعر وجعت قلبى
    على قد ما كلماتك جميله على قد ما انا قلبى مجروح لفقدانها
    قلبى يئن وينزف لفراقها ولا تستطيع الايام والسنين ان تداوى هذه الجروح ولكن اطلب بشده الصبر من الله

    ربنا يباركلك فيها ويخليهالك
    ويفرح قلبها بيك

    ردحذف
  11. يارب يحلي مامتك وكل ام فى الدنيا
    بجد مهما دورنا مش ههنلاقى حد يحبنا اكتر منهم

    ردحذف
  12. ربنا سبحانه وتعالي يجعله في ميزان حسناتك ياصديقي احسنت ومفيش تعليق يقدر يوصف البوست ده بالذات
    متشكر لمرورك لسفنيتي وتعليقك الجميل
    تحياتي

    ردحذف
  13. والله كلام جميل اوى مايحسس بى الا المحروم من امه يارب يحلى كل ام لى اولادها علشان الام دى حاجه جميله اوى اوى اوى وبجد يا جماعا الام حاجه ما تقدرش بى اى حاجه اسالونى على اللى من غير ام ياااااااااااااااااااااااااااااااااااا

    ردحذف
  14. .انضم إلى eToro وقُد ثورة التكنولوجيا المالية

    حكمة الجموع المتداولون الذين يستخدمون CopyTrader™ من eToro يزيد احتمال أن يحققوا أرباحًا بنسبة 60%

    ردحذف