حبتها ومحبتنيش

           هى اللى انا حبتها...وهى اللى انا محبتهوش

  فى قلبى وروحى شيلها...وهى بقلبى محستهوش
 كل معانى الحب قايلها..والحب اديته و ملقتهوش

 انا مش نادم على احساسى..ولا مستنى منك حب
حبك جوه ف قلبى اساسى..نبع حنين وحنان بيصب
قلبك حتى لو كان ناسى.. جوايا انتى حبايبى وناسى
لو طول عمرى حزين وبقاسى...بحبك برضو اجمل حب

يمكن بيا يعدى العمر..يمكن حتى مش نتقابل
حبك هو حب العمر..وعمر الورد ما هيكون دابل
وحدى اعيش فى عذاب وف مر...فى كل لحظه دقيقه تمر
غير بعشق عيونك السمر..وعد عمرى ما هكون قابل

يمكن اكون انسان مجنون..بس معاكى ده عين العقل
لو بالنسبالك شىء مدفون..وعليا اكيد ده شىء مش سهل
بس الحب اساسه جنون..وانا عاشق بيكى مفتون
كان حبك او مش هيكون...بحبك وف غير كده مش سائل

صعب فى دى يبقالى قرار..غصب عنى حبك قلبى
ومين ف الحب يوم اختار..حتى لو ف القلب مخبى
بس هو ده اللى صار..انى اعيش عكس التيار
بس الحب ده اقدار..وانتى قدرى يا ساكن قلبى