تنبيه لدخول الموقع مره اخرى عن طريق جوجل اكتب ( الحنين محمد حسن )

حاجه تضايق



حاجه تضايق حاجة بجد
حاجه حقيقى فاقت الحد

كل شوية حادث مر
يوم عبارة وتانى يوم قطر

هحكى واقول عن ايه او ايه
ولا شبابنا يعينى عليه

قالو عشانكوا بنبنى ونبنى
ايوه عشانكو يبنتى ويبنى

قلت كلامك حلو وزين
قلت كلامكم طب راح فين

ادى بعينى انا واقف شايف
كل شبابنايائس خايف

قلى بنبنى وقال بنعمر
قلى بنزرع قال بنخضر

قلتله بس ثوانى اسمحلى
انى اتكلم لو مسمحلى

قلت كلامك كل ده باطل
كل شبابانا تايه عاطل

قولتله حالنا صعب ع الكافر
كل شبابنا هاجر سافر

قولت شبابنا قاعد فاضى
يوم على قهوة ويوم فى النادى

بعد علام مشاوير وسنين
نلقى ان احنا منسيين

القى حلمى ليه مكسور
حلمى الاخضر اصبح بور

وارجع تانى زى ما كنت
اللى انا قولته كانى ما قولت

واللى انا قولته غيرى ماهو قالو
ايه انا طلته وايه كان طالوا

وادى كلام بنفضفض بيه
يمكن حد فى يوم يراعيه

هناك 15 تعليقًا:

  1. كلام حلو وجميل بس بدل ماتتفرج عليهم اعملهم حاجه .......... بسمه

    ردحذف
  2. انا اسفه على الصراحه الى لدرجه .....
    بس كان نفسى تقولهم نصيحه نعيب على الزمان والعيب فينا ..........

    ردحذف
  3. اسفه كمان مره مش من عادتى اجرح الناس بس من عادتى انجرح اااااااااااااسفه مكنش قصدى.............

    ردحذف
  4. HAKIY WA9OLE IHE WALA IHE MAJROHA MINA ZAMANE ????

    ردحذف
  5. حلو كتير محمد
    والله حلو كل مرة بتبدع قبل المرة لفاتت
    بدي المزيد منك

    ردحذف
  6. الله ينور عليك يا محمد قولت اللى كا نفسنا نقوله واتمنى اسمع منك كتيييييييييييييييييييير بجد انت فنان ربنا يوفقك اخوك وصديقك احمد

    ردحذف
  7. MABROKE LIMASRE MARWA

    ردحذف
  8. السلام عليكم
    كل مااقراء خواطرك كاني بقرائها لو مره
    بجد احساسك وشعورك بكلماتك
    تقبل مروري
    سلامي ليك.

    ردحذف
  9. ومنين نجيب ناس لمعناة الكلام يفهموا
    احسنت ياصديقي وربنا عنده العفو قادر يغير الحال في طرفة عين
    واعتذر عن التاخير
    تحياتي

    ردحذف
  10. اممممممممممممممممم
    انا بدخل مدونتك كتييير الاقيها مقفولة ليه ؟؟؟
    من زمان مقاطعنا كدا !!
    البوست جميل جدا قريته مرتين :)

    ردحذف
  11. اولا ليه كانت المدونه مقفوله

    ثانيا حمد الله على السلامه

    خاطرة رائعه

    بس بلاش تخلى اى حاجه تضايقك

    وبلاش كمان غياب

    تحياتى

    ردحذف
  12. كلمات جميلة وصادقة وشايلة جواها صرخة مش منك لوحدك مننا كلنا ويارب بكرة يكون أفضل لأن للاسف مافيش حاجة بتبشرنا بكده
    تحياتي

    ردحذف
  13. بوست جميل بس كله حزن ويأس
    ربنا يفرجها ويبعد عننا الاحزان
    يسلم احساسك العالي يا محمد
    تحياتي

    ردحذف
  14. جوه عيونك انت11 نوفمبر 2010 في 1:11 م

    محمد انت فين احنا مش اخر مره اتكلمن كويس ليه مسحت الاميل انا مش عارفه اكلمك حرام عليك ليه كده مش عارفه اقولك ايه انت كنت بتتكلم مع حنين وانا مش موجوده وقالت انك قولت كلام هى ما فهمتش حاجه منه لو سمحت كلمنى علشان عاوزك ضرورى اوك

    ردحذف
  15. بجدددددد اسلوبك فى الكتابة جميل جدا
    تسلم ايدك

    ردحذف