تنبيه لدخول الموقع مره اخرى عن طريق جوجل اكتب ( الحنين محمد حسن )

انا الانسان



انا الانسان اللى زمنه..عمال يرخص قوى تمنه
انا اللى الدنيا احزانها ...اترمت كلها فى حضنه

انا القلب اللى عاش مكسور,,مفيش فى طريقه لحظة نور
والقلب اللى كان طارح ورد..دلوقتى اصبح ارض بور

انا القلب اللى عاش موجوع..جوه عيونه بحر دموع
دمع عينى بيطرح دمع..دمعه واحده بتطفى شموع

طريقى شوك وضلمه ..وقلوب جارحه وظلمه
وحياة مليانه جرح...ويوم شمسه مغيمه

كل لحظه فرحى يموت..كل دقيقه الم بيفوت
يجرح قلبى يهد فيا...واصرخ وصرختى فى سكوت

عشت سنين ايام..فى جرح وعذاب والام
لاوصف يوم يوصفه...ولا يكفيه كلام

واقف وانا شايف..نهر جرح جارف
خلاص منا اتعودت..خلاص منش خايف

يادنيا كمان هاتى...وهدى كل حياتى
مكتوب لى اعيش مهموم..من ميلادى لحد مماتى

لو كنت يوم افرح..ووردى يوم هيطرح
اتارينى بوهم نفسى..وعلى دمع عينى تفتح

بتفوت ساعات وساعات...ودقايق مع لحظات
بحياة ملهاش ملامح..غيردمع وغير اهات

حزين وقلبى اتسجن..فى سجن حزن وشجن
وايه من تانى هشكى..م الدنيا ولا م الزمن

مر العمر بيا ودار..غير الجرح مليش دار
دلوقتى صديق عمرى..الدمع ويا مرار

فرح بفرح اهو بيبعد..ودمع بدمع بيتجدد
ولو فى يوم حلمت... فى لحظة حلمى يتبدد

تلف الدنيا ودور..دوامه تخدنى فى بحور
فى بحر الدمع انا عايم...وقلب جناحه مكسور


حياتى دى بالظبط...بحر حزين ملوش شط

هناك 17 تعليقًا:

  1. بص يا استاذ محمد هو حلو ولزيزة ويخلى الواحد يعيط بجد فعلا بس بخلاف دة كلة انت بجد رائع وكل كلامك سواء كان حزين او رومنسى او وطنى فا هوبردوا حلو جدا ربنا يزيدك كمان وكمان بس فى الفرح وفى اى حاجة انت تحبها

    ردحذف
  2. ها اعييييييييييييييييط بجد الله ينور عليك تسلم يا غالى يا فناااااااااااااااان بجد غنى فريحى شويه بجد قلبى اتقطع استنى منك كل جديد اوك اخوك وصديقك احمد

    ردحذف
  3. ly 7AZINE TARI9AKE COLO WARDE MARWA

    ردحذف
  4. FIY BA7RE AL7OBE 3AYIME

    ردحذف
  5. حلوه قوووووووووى وجميله خااااااااالص واجمل شى اننا بنعيش معاك فيها ونحسك من خلالها ابدع اكتر وسمعنا اكتر ربنا يوفقك .....بسمه

    ردحذف
  6. مفيش جديد ولااية عايزين حاجة جديدة نفك شوية من الكابة يابنى احنا عاندنا الى يكفينا وزيادة بس فين الحاجت التحفة الرومانسية الى كنت بتكتبها دى وحشتنى جدا عايزين بقى منها كتير اوى ها حنون

    ردحذف
  7. DA9ATE SA3ATE FORA9E...

    ردحذف
  8. ايه دا بقى هو احنا مش هنسمع حاجه جديده..ايه التقل ده عليا ياشاعر

    ردحذف
  9. انت عارف يا محمد ان الى انت كتبة بيحكى حياتى تقريبا ربنا يوفق

    ردحذف
  10. حلو كتير بس وينك وينك مش لقياك

    ردحذف
  11. كلنا بتيجي علينا لحظات بنحس ان الدنيا بتتآمر علينا وكل حاجة حولينا بقت ضدنا نكتئب ونتقوقع داخل نفسنا ويمكن نبكي وننصرخ ونقول كفاية
    بس في الاخر كله بيعدي دوام الحال من المحال
    كلامك جميل ياصديقي ربنا يعفو عنا وعنك
    تحياتي

    ردحذف
  12. ليه كده يامحمد

    خلى جواك امل

    الدنيا اكيد جميله اخى

    بس الخاطرة اجمل رغم الحزن والياس

    من البدايه للنهايه

    ربنا يسعد قلبك يارب

    تحياتى

    ردحذف
  13. ربنا يفرحك
    جمليه كلماتك وموثر تعيط اى حد يقراءها
    ودا عشان بتوصل للقلب علطول
    تسلم الايادى

    ردحذف
  14. السلام عليكم
    ربنا يبعد عنك الحزن ويخليك تفرح
    وتنسي الحزن والي سببه لك
    تقبل مروري
    سلامي ليك اخي محمد.

    ردحذف
  15. ياااااااااااااه كل دة حزن
    انا حاسة ان الى كتب الكلام دة رجل عجوز
    شاف قسوة كتير من الدنيا
    بلاش تشاؤم وخلينا نبص لنص الكباية المليان

    ردحذف
  16. محمد ليه الحزن دا كله هوا مفيش حاجه حلوه في حياتك تخليك يبقي عندك امل ببكره او تكون سعيد ولو للحظه

    ردحذف
  17. انت مش المفروض انك فى حالة حب حلوة وكويسة دلوقتى لية بقى الحزن دة كلة ربنا يفرح قلبك يارب

    ردحذف