تنبيه لدخول الموقع مره اخرى عن طريق جوجل اكتب ( الحنين محمد حسن )

مين اللى زيك

مين اللى زيك مين...يانبع شوق وحنين
يا ارق من النسيم...واجمل من الياسمين

ضحكتك نغم وورود...بسمتك تملى الوجود
تملى الوجود فرحه
وصفك ماله وصف..لو جبت مليون حرف
ياوردة حب طرحة
لا لاقى كلام يعبر..ولا صورة ولا منظر
غير سبحان اللى صور....ده انتى ملاك السنين

صوتك عصافير بتزقزق...مع طلعة فجر يشقشق
ياطير فى السما عالى
ملاك ماشى ع الارض...خطواته بتطرح ورد
ياعقد لؤلؤ غالى
لا عارف ولا قادر..لقلبك انى اغادر
يانبع حب نادر...يانبع شوق وحنين

هناك 12 تعليقًا:

  1. سلام وعليكم
    ممتاز كتير
    بس يريت الاقيك واحكي معك
    واصل محمد
    جيجي

    ردحذف
  2. اللللللللللللله عليك حلوه خالص ...بسمه

    ردحذف
  3. فنااااااااااان بقول كده وهو مش مصدق بقولك واحشنى وتسلم على احلى كلام قراته فى حياتى اخوك وصديقك احمد

    ردحذف
  4. كلام حلو جداواحساس احلى

    ردحذف
  5. حلوة اوى يا محمد بجد ربنا يبارك فى الموهبة الى عندك دى ويزيدها يارب

    ردحذف
  6. نور الجزائرية13 مارس، 2010 6:39 ص

    جميل اوي الكلام ومعبر جدا ربنا يخليك

    ردحذف
  7. الله عليك ياشاعر دا احلي شعرقريته في حياتي بجدتسلم ايدك علي الشعر دا

    ردحذف
  8. انا جاية اسلم عليك
    وعارفه انى مقصره معاك كتييير بس هانت اهو كلها ايام
    دعواااااتك

    ردحذف
  9. رقيقة مشاعرك دايما وكلماتك في منتهي البساطة
    احسنت ياصديقي

    ردحذف
  10. كلمات رقيقه وسلسه
    احساسك جميل يا محمد
    دمت رقيق المشاعر

    ردحذف
  11. والله شكلك كده يامحمد بتحب تتعبنى معاك

    طبعا ما انت شاعر عظيم لازم نتعب عشان نوصلك

    وتغيب وترجع تتقل علينا

    ماشى يا عم

    حاولت اخدها كوبى ما نفعش

    بس كلها عجبانى يا شاعر

    افضل بقى اقول حمد الله على سلامتك اخى

    تحياتى

    ردحذف
  12. السلام عليكم
    اخبارك يامحمد؟
    يارب تكون بالف خير
    الله الله على الاحساس العالي
    على الكلمات التي كلها رقة ورومنسية
    منت شاعر العصر اكيد يطلع منك اجمل واحلى الكلمات
    التي لم اقرئها الا هنا
    تقبل مروري
    سلامي ليك اخي.

    ردحذف