بحبها

ايوة مشفتهاش ولا عارف شكلها ..لكن هى فى خيالى وفى قلبى وصفها
ساكنه فيا الملامح..وسامع همسها

تكتب واكتب كلام..ع الحب وع الغرام
لكن هى الايام...بعدانى عنها

قلتلى وعينها بكت... ومن الزمان اشتكت
قلتلى كتير وحكت..وكأنى جمبها

ورجعت من جديد..تبكى من بعيد
وتقولى بشوق شديد...وقلوبنا ايه ذنبها

قولتلها مش ذنبك..ولا ذنبى اكون جمبك
زمن غلبنى وغلبك..ودنيا اه منها

قولتلها ده منايا..تكونى هنا معايا
يااجمل حكايه...فى لحظة عشتها

قلتلى انا قبلك.. نفسى اجى واقبلك
لكن ايه هقولك...دنيا ومين ادها

شايف مابينا بحور...وموج عالى وسور
نفسى اصرخ واثور...واقول بحبها