كل اما قلبى

كل اما قلبى يتجرأ...واقول ومترددش
يسكت قلبى ماينطق...ولسانى ميتكلمش
وارجع اعيش فى ملامحك..واتخيل انى بصرحك
والحلم بيا يطول...وافضل كده علطول
ليل نهار مبنمش

ولو بالصدفة اشوفك...او المح مرة طيفك
ترجع تانى خطوتى ..والقانى متباعد
واعيش مع نفسى اتجادل...نفس الشعور متبادل
ولا حبى ليكى...من طرف واحد

كل اما احاول ابدء...وارتب فى الكلام
القى الكلام اتجزء..مش هو الكلام
اللى نفسى اقولة..وسهرت الليل بطوله
اكتب كلام الحب..من قبل كده متقلش

يوم ورا يوم وبأجل..القانى اكتر بتبرجل
وارجع تانى لمكانى ..تانى فى حيرة افكر
كل اما اقول هتكلم...وفى خطوة فى خطوة اتقدم
القانى ببعد عنها...وعنها كمان اتنكر
كل ماشفها وقفه..اقول دى اكيد عرفة
جوة عنيا اللهفة...اروح لكن مبرحش