تنبيه لدخول الموقع مره اخرى عن طريق جوجل اكتب ( الحنين محمد حسن )

رسالة بلا عنوان


ببعتلك رسالة..رسالة بلا عنوان
بقولك انا فيها بقولك انا ندمان
انى فى يوم حبيتك..انى عشقت هويتك
بقولك انا فيها....حقيقى انا غلطان

مش هسال ليه انا...من مشاعرى تسخرى
اسيبك وعارف انا...على بعدى تقدرى

لان قلبك قاسى ..مراعاش فى يوم احساسى
قلب مفهوش حنين..ولا حتى لحظة حب
قلب وعيون قاسيين..نهر جراح بيصب

عمر ما كان على بالى...انى رخيص مش غالى
انا لازم اعيد حساباتى..وارتب فى اوراقى
مين هو حبيب حياتى..ومين جرح اشواقى

همسح انا دمعى..واداوى بايدى وجعى
مش هعتب ولا الوم..الغلطة غلطتى
انى اتسرعت فى يوم..وقلت انك حبيبتى

واقف قصاد جرحك..بقول الله يسامحك
متصورتش ثانية...منك تكون القسوة
كنتى ساكنة عنيا..لقتنى ولا اسوى

كنت بغنى باسمك..كنت وصفك رسمك
كان كل كلامى عنك...لكن مليون خسارة
كان قربى كله منك...والجرح زاد مرارة

اسف انا تانى...ع اللحظة وع الثوانى
كنتى زمان عندى..نبع حنين وحنان
كنتى حلمى الوردى..اللى اتمنيته زمان

واخر الكلام..مش هبعت غير سلام
يااحلى حلم حلمته..فى يوم من الايام

وهى دى الرسالة...رسالة بلا عنوان


هناك 11 تعليقًا:

  1. . رااااااائعة ما شاء الله عليك شكرا ليك محمدوربنا يباركلك في الموهبة دي

    ردحذف
  2. جميله يا محمد واجمل ما فيها ان الكلام من قلبك ويارب تكون بخير.......احمد

    ردحذف
  3. الشاعر الرومانسى18 مارس 2010 في 3:23 م

    بسم الله الرحمن الرحيم الله يعطيك العافيه اخى
    جميله اوى وتسلم اخى على مجهودك الرائع وفى تقدم ان شاء الله
    بس حاول تتحرى الضبط فى كل ماتكتب وان شاء الله موفق
    اخوك عبدالله الشاعر الرومانسى

    ردحذف
  4. حلووووووووووووي كتير وبتوفيق ونجاح دوم
    ان شاء الله

    ردحذف
  5. ليه ندمان محمد عشن حبيت الحب فافيه ندم حتى لو فترقنا حتفضل دكرى حلوة عمرى ماحنساها

    ردحذف
  6. اتمنى تفهمنى محمد وبلاش حزن عشن خاطرى كلامك بيجرحنى كتير وحاسة انا السبب فى حزنك

    ردحذف
  7. اتمنى ماتحرمنى من المداونة هيى اللى فضلت

    ردحذف
  8. انا رانيا انت عن جد شاعر كبير تقرن بخليل جبران واحسن من انا لم اجد الكلام لى اقول الله يوفقك ويحميك

    ردحذف
  9. الدنيا علمتني ان اللي يدوس عليا ميستاهلش اني ابكي عليه ولا لحظه
    الدنيا مليانه قلوب كتير قاسيه وانانيه
    ورنا يحفظنا منهم ومن نفسنا يارب
    تحياتي

    ردحذف
  10. ببعتلك رسالة بدون عنوان كيفك ميدو اتمنى تكون بخير توتة

    ردحذف
  11. اخبارك ميدو اتمنى تكون بخير واتمنى لك التوفيق فى حياتك توتة

    ردحذف