تنبيه لدخول الموقع مره اخرى عن طريق جوجل اكتب ( الحنين محمد حسن )

الوقت الجميل


تاه الكلام بين السطور ...ضى القمر ملهوش نور
طير السلام اتسجن..وجناح الامل مكسور

الوقت الجميل فى العمر..بسرعه يعدى يمر
ما بنلحقش نفرح الا..يقابلنا مليون مر

دور بين البشر...كام قلب حزين انكسر
كام عين مظلوم بتبكى..دمع زى المطر

لحظات الجمال والحسن..والقلب اللى مليان حضن
ليه كل جميل اتغير..وحياتنا ملاها الحزن

ولا لحظة حب تدوم..ليه فراقنا ده شىء محتوم
كام قلب قاسى جرحنا..نرجع ونقول مظلوم

دبلان ورد الربيع...بايدينا نخون ونبيع
ولا نعرف قيمة حد..غير لما منا يضيع

ما احنا بقينا فى زمن..الخاين فيه بيؤتمن
وحياة الناس بترخص.. ولا عاد ليها تمن

هناك 11 تعليقًا:

  1. jamila ktir.bas bardo fiha nabrat 7ozn.rabina ywafaqak.jiji

    ردحذف
  2. كلامك جميل جدااااااااااا فوق الوصف واحساسك اجمل منه الله اكبر عليك

    ردحذف
  3. هو فعلا كل كلامك صح

    خرج كل اللى جواك

    دبلان ورد الربيع...بايدينا نخون ونبيع
    ولا نعرف قيمة حد..غير لما منا يضيع

    جميله اوى
    وبالذات احساسك اللى نابع من وسط الكلمات

    تحياتى

    ردحذف
  4. ايه يا ميدو كل الناس فكرا اننا مش بنحب بعض دا انت الحياه وانا الميا وانت الهواء وانت الدنيا اللى انا عايشه فيها

    ردحذف
  5. احساسك جميل جدا
    وكلامك نابع من قلب صادق برئ
    بجد مدونتك جميله جدا

    ياريت تنور مدونتي

    ردحذف
  6. كلماتك رقيقة وصادقة
    تعبر عن لحظات نمر بهابين وقت واخر
    تحياتى

    ردحذف
  7. حلوة يا محمد

    ردحذف
  8. دعوة فى ملتقى الكلمات
    كاتب مصرى

    ردحذف
  9. هاهههها

    ردحذف
  10. حللوة كتبر

    ردحذف