تنبيه لدخول الموقع مره اخرى عن طريق جوجل اكتب ( الحنين محمد حسن )

عايش اجمل حب





كل كلام الحب ده ميكفيش..كل العالم ميسعنيش
لما قلتلى دى بتحبنى
لقتنى طاير فوق السما..مليون فرحه متبسمه
الورد النادى بيسكن حضنى

لو طول عمرى هعيش اقولها..مية مليون انى بحبها
عمرى ماهوفى فى يوم حقها..زى حبيبتى حقيقى مفيش

ادتنى ارق واحلى مشاعر..قلبى معاها اصبح شاعر
واللى انا حسه وبيه انا شاعر..احساس حب ميتحكيش

هى حبيبتى اجمل قلب..وياها عايش اجمل حب
نبع حنين وحنان بيصب..اى حنين قبليها مليش

مهما ان قلت كلام و كلام..مليون معنى شوق وغرام
واقف قلبى باستسلام..حبى ليها مينتهيش

انا مش عارف انا مش لاقى..اى كلام يوصف اشواقى
و اللى من عمرى انا باقى..غير وياها انا عمرى ما اعيش

هناك 11 تعليقًا:

  1. انا بموت فيك بجد انت كل حياتى وعمرى بجد انا مش قدره اقول ايه غير ربنا يخليك ليه

    ردحذف
  2. بجد جامدة مووووووووووووووت ربنا يخليكو لبعض وتقول كمان وكمان

    ردحذف
  3. طول مانا بقرء الكلمات وانا مبسوطه ومبتسمه

    حلو الحب
    وحلو إحساسه

    ربنا يهنيكوا ويسعدكم يارب

    خالص تحياتى

    ردحذف
  4. بجد انت بتحبها كده اوىوهى بتحبك

    ردحذف
  5. اول زيارة ليا بس كلامك حلو
    وربنا يسعد قلبك وقلبها
    ويجعل ايامكم كلها حب
    ومش يفرقكم ابدا

    ردحذف
  6. ربنا يوفقك يا شاعر وتبقى فى تقدم على طول
    وخليك دايما فاكرنى
    سلام نــــــــــور

    ردحذف
  7. ربنا يوفقك يا شاعر فى حياتك
    ويزيدك ان شاء الله من كل شى
    افتكرنى
    نــــــور

    ردحذف
  8. ماشاء الله علي احساسك الرائع وربنا يخليكو لبعض يارب وتحبو بعض دايما ودايما وتعيشوا احلي حياة وتبقي هي اجمل نور في حياتك واجمل بسمه ليك واجمل صبر ليك ربنا يحفظكم انتو الاتنين

    ردحذف
  9. جميل جدا جدا احساسك
    وكلماتك ارق كلمات
    ووصفك لحبك رائع
    وبجد انت فنان حقيقي

    ربنا يسعدكوا
    ويفرح قلبكوا
    وكل اللي بتتمنوه
    يتحقق

    ردحذف
  10. فينك يا باشا
    متغيب ليه
    يارب تكون بخير

    ردحذف
  11. انا اسمى ساره بس مش لى الكلام
    بس بجد انت احساسك جميل وربنا يرزقنى بحبيب زيك

    ردحذف