تنبيه لدخول الموقع مره اخرى عن طريق جوجل اكتب ( الحنين محمد حسن )

كل قصتى


كل قصتى ..حكياها دمعتى
ما الدمع ويا الجرح..هى دى دنيتى

دنية الم وعذاب..دنية فراق احباب
دنيا وليلها طويل
دنيا مغيمه..وجراحها مؤلمة
ولا ليها يوم بديل
بكره زى امبارح..كل ما فيها جارح
فيها جرح قلبى..وفيها وحدتى

دنيا طريقها بدايته..جرح زى نهايته
طريق وكله دمع
فرحى بيختفى..نور حلمى بينطفى
وبتطفى كل الشمع
لا صاحب يوم بيوفى..ولا حضن امان يدفى
دنيا وفيها عايش...بدمعى وكسرتى

دنيا ايامها..مش عايش غير الامها
ولا لاقى قلب طيب
دنيا فيها الالم ..والفرح فيها انعدم
ولجرحى مين يطيب
لحظات تعدى تفوت..مليون الم مكبوت
قصة حياتى تكون..جراحى ودمعتى

هناك 12 تعليقًا:

  1. الدنيا هكذا
    جراح ودموع
    جميله الكلمات
    اخى الكريم

    ردحذف
  2. صباح الفل يا محمد
    هي الدنيا كده
    ممكن تفرح انسان عاش كتير يستني الفرح
    ولما يلاقي الفرح جاله يبقي مش مصدق نفسه
    يبقي هيطير من السعاده
    لكن الدنيا بتستكتر عليه فرحته وسعادته
    وبدل ما كان عايش فرحان
    تاخد فرحته وفي لحظه تديه جراح وذل وأسي وحرمان
    والانسان لما بيبقي مجروح بيبقي حاسس ان الناس كلها خاينه وقاسيه عليه
    بيبقي شايف الكون مظلم اتمحا منه النور
    بجد أوقات الفرح قليله أوي
    والحزن سنين وسنين
    بس لازم يكون عندنا صبر واراده
    ونرمي حمولنا علي ربنا
    وبطيبه قلبنا هنوصل لحلمنا الجميل
    وهنلاقي الدنيا بقت جميله جدا
    كلها فرح مفيهاش جراح

    بجد انت فنان
    وكتاباتك جميله جدا
    وكلماتك كلها رقه ونور برغم الحزن اللي ماليها
    دمت بكل خير
    في رعايه الرحمان

    ردحذف
  3. وحشة مش حلوة

    ردحذف
  4. حياتنا فيها جراح ودموع وفيها فرح برضو
    كلامك جمييييل
    تحياتى لك :)

    ردحذف
  5. 7ilwa ktir.bas hek hiya donya

    ردحذف
  6. للاسف هي ديه الحياة ولازم نعيشها مهما كانت ومهما كانت ظروفها
    ومازال كلامك الله اكبر عليه

    ردحذف
  7. فينك يا محمد
    ناسينا ليه

    ردحذف
  8. وحشنى يا طيب يا ارق من الملاك فكرك وفاكر قد ايه اتهنيت معاك وكنت اتمنا اعيش لحظه معاك

    ردحذف
  9. يارب تكون بخير يا محمد
    طمنا عليك

    ردحذف
  10. الله على الجمال

    لوكان ده سر الغياب يبقى سماح وبلاش عتاب

    كلماتك دلت على ميحياه كل منا

    تحياتى

    ردحذف
  11. على فكرة

    انا بشوف احصائيات المدونه كل يوم

    وبتكون موجود

    المهم انى بطمن عليك اخى

    بس بسأل ايه زعلك منى

    لازم ترد حتى على التعليقات

    وتكتب لانك انسان موهوب


    وكتير كتباتك بتعجبنى

    انتظر كتاباتك اخى

    ولتعلم انى اساندك


    تحياتى

    ردحذف
  12. دي سنة الحياة

    ردحذف