تنبيه لدخول الموقع مره اخرى عن طريق جوجل اكتب ( الحنين محمد حسن )

مش ححبك تانى


على اد ما حبيتك اوى..على اد ما كرهتك اوى
ضعيف زمان قصادك انا..دلوقتى قلبى خلاص قوى

على اد ما كنتى..اكبر من وصف حبيبتى
دلوقتى بتمنا..لو طول العمر غبتى

مش بحلم خلاص تانى..اقابلك لو ثوانى
مبقاش جوايا ليكى..حب وحنين وامانى

كنتى كل حاجه..اغلى وارق حاجه
معلش ياقلبى انك..طيب مليان سذاجه

وانا كنت من طيبتى..اموت لو لحظه غبتى
مش عايز تانى اشوفك..انتى مش حبيبتى

خلاص ذكرى وكانت..لحظات حنين وفاتت
قلبى خلاص قالها..حبيبتى انا ماتت

الورده اللى كات طرحه..حنين اشواق وفرحه
مش عايز انى افتكر..انسانه ظالمه وجارحه

خلاص مات الكلام..اى حنين وغرام
وداع يا حنينى ..حبيبتى خلاص سلام

قصدى ياللى كنتى..ايام زمان حبيبتى
ايوه مش هبكى..ولا تنزل فى يوم دمعتى

انجرحت ايوة منها..وعينى نزلت دمعتها
غصب عنى مقدرتش..احوش دموعى لحظتها

وياقلبى عيش سنينك..وانسى اللى كان حنينك
وداع خلاص هقدر..انسى اللى بينى وبينك

خلاص لو انتى الحياه..اسمعينى انتى يا
مش ححبك عمرى تانى..قلبك خلاص هنساه

هناك 15 تعليقًا:

  1. السلام عليكم
    ازيك يامحمد
    ايه ده به
    محمد لو كانت هذه الخاطرة من وحي خيالك اقولك كلام بمنتهى الجمال وانت عارف راي في كتاباتك مقدرش اقول كلام بعد كلامك
    بس لو كانت الخاطرة من واقع حياتك حصلت لك اقولك الي عملتة تمام يعني اذا هي جرحتك انساها مش تكون زي ابكي على صديقة خانتني كل مااذكرها ابكي وهي لاتستحق دمعة وحده وعارفة ان الصداقة غير الحب.
    صح اني ماحبيت لكن هذا جرح من اغلى الناس فاذا كان كلامك مضبوط فخير ماعملت اما اذا كان من وحي خيالك فخاطرة بمنتهى الجمال والروعة
    ويارب تكون فهمت قصدي
    تقبل مروري
    سلامي ليك.

    ردحذف
  2. اسفة طولت عليك بالكلام
    منا لما اتكلم معرفش عاد اسكت.
    هههههه

    ردحذف
  3. زمان قاله جرح الاحبه مالوش اطبه واللي جرحني اعز حبيب
    فعلا اصعب جرح لما يجي من انسان كنت فاكره انه بلسم جروحك وواحة حياتك
    كالعادة كلماتك في منتهي الجمال والقوة
    احسنت ياصديقي
    تحياتي

    ردحذف
  4. شكرا على البوست

    ردحذف
  5. جميلة جداااااااا
    وما اصعب جرح الحبيب
    دام قلمك
    تحياتى

    ردحذف
  6. جميله الخاطره يا محمد
    وصعبه قوى معانيه
    على قد ما انجرحت منها لكن حرجها ح يبقى اعمق لما تسمع هذه الكلمات

    فما اصعب جرح الحبيب

    دمت مبدعا

    ردحذف
  7. بجد كلامك واسلوبك رائعين
    حلوه اوى الخاطره
    واتمنى لك دواك السعاده
    وربنا يوفقك فى حياتك مع انسانه تانيه تحبك وتقدرك

    ردحذف
  8. الله يامحمد

    حتى جرحك بينزف ابداع

    يامجروحين ياحنا

    من جرحنا ما ارتحنا

    دائما متألق اخى

    اشكرك

    تحياتى

    ردحذف
  9. تحفه بجد

    ايوه مش هبكى ولا تنزل فى يوم دمعتى

    ...............
    ايوه غصب عنى مقدرتش احوش دمعتى لحظتها

    ردحذف
  10. جميلة كلماتك
    واحسن حاجة فى حالتك دى انك تتناسي حبك ولكن
    اعذرنى فلن تنسي حبا عشته فى يوم من الايام

    ردحذف
  11. ساعات بيكون فى حاجات صعب تتنسى بس ممكن مع الوقت ده يحصل
    بجد كلمات جميلة

    ردحذف
  12. يااااااااااه يامحمد جميله خالص وقاسيه خالص بجد نزلت دموعى وانت عارف ليه طبعا بس بجد حلوه ياريتنى اعرف اعمل زيك ياريت اعرف اقول مات حبيبى بس سيبك انت دايما عنك الاحلى تسلملنا يارب ...بسمه

    ردحذف
  13. دايما متألق
    بجد كلماتك كلها رقه وجمال
    ووصفك له معني حلو كتير
    برغم حزنك
    لكن الحزن والجرح بيخلي القلب يخرج اجمل شعور
    يسلم قلبك الطيب

    ردحذف
  14. محمد....

    ازيك يا رب تكون بخير ارجوك اعزرنى وسامحنى على

    التقصير والله الدنيا ملخبطه معايه جامد مشاكل وبعد ما

    خلصت منها على خير كان جرح وبعد ولما دويتو جت

    الامتحانات وكأن الدنيا وخدانى على مشمي ومش

    مديانى فرصه اخد نفسي بليز متزعلش وروعة كلمات

    انا اقل بكتير من انى اقدر اوصفها بكلام سلمت

    الايادى...منه

    ردحذف