تنبيه لدخول الموقع مره اخرى عن طريق جوجل اكتب ( الحنين محمد حسن )

وحشتينى


وحشانى ياغاليا..ياغاليا انتى عليا
وحشنى اسمع صوتك..امتى تعودى ليا

وحشنى ضحك عنيكى...وحشتنى بسمتك
وحشنى كل ما فيكى...همسك رقتك

وحشانى فى كل مكان..وحشانى فى كل لحظه
ده حبك فى عنيا بان...وكل الناس ملحظه

وحشانى ياعينى...مش قادر بيها اعبر
لو انتى بتحبينى..بحبك انا اكتر

انا ابعد او افارق..واسيب كل البشر
محدش عندى فارق...غير قلبك ياقمر

وحشانى وحشانى..ونفسى حالا قبل بكرة
تعودى من تانى..ياارق واحلى ذكرى

وحشانى ومش شايف..غير قلبك النادى
مبقتش حتى عارف ..غير باسمك انادى

وحشانى ومنايا..تانى نتقابل
من غيرك مليش حكايه..والورد كله دابل

يااحلى حلم حلمته...وحشانى والله يوماتى
ده الحب معاكى عشته..ولقيت معنى لحياتى

وحشتينى من اول..يوم عرفتك فيه
كل جرحى اتحول...لفرح معاكى الاقيه

لكل الناس حكيت...وقلت على اللى بيا
قلتلهم انا حبيت...قالوا ومين هى

قلتلهم هو انتى..قلتلهم وسميتك
من اول يوم حبيبتى...ومصدقت لقيتك

وبقولك ع اللى فيا..بقو
لك وحشتينى
يااقرب منى ليا...بقولك وحشتينى

هناك 17 تعليقًا:

  1. يارب ترجعى بقى وترحمينا انتى عذبتى الكل والله ....

    ردحذف
  2. بجدتحفة اوووووووى يا بختها حلوة اوى يا محمد وياربدايما كدة حب فى حب ويارت تتحفنا كمان وكمان اناهستنىكل الىانتبتكتبة على طول باذن الله

    ردحذف
  3. حلوه قوى ومعبره خالص ربنا يخليك احساسك الجميل ده ومايحرمنا من كلامك الحلوه... بسمه

    ردحذف
  4. حلووووووووووووه موووووووووووووت يا فنان واحشنى والله يا فنان ياريت حاجه فريحى بقى بجد اتنين كمان من دول وها اسخسخ منك اوك استنى منك كل جديد اخوك وصديقك احمد

    ردحذف
  5. حلوةاوى اوى بجد مش هقدر اقول اكتر من كدة
    البطوطة

    ردحذف
  6. stanitak winak

    ردحذف
  7. جملة جداااااااااااااااااااااا

    ردحذف
  8. انا اسفة يا محمد حقك عليا ولو مش عايزنى اكلمك تانى قول وانا مش هتكلم تانى معاك وهبعد عنك لو حبيت انا مقدرش اكون سبب فى جرحك انا اسفة تانى

    ردحذف
  9. تسلم ايدك يا محمد بجد حلوووووووووووووووه اووي تجنن والله

    ردحذف
  10. الله يا محمد

    كلها شوق ولهفه واحساس

    يسلم احساسك اخى

    وربنا يطمنك عليها

    اشكرك

    تحياتى

    ردحذف
  11. دايما احساسك راقي واسلبوك مميز نادر اوي اللي بيعرف يكتب بالعامية
    تسلم ايدك
    تقديري واحترامي

    ردحذف
  12. يا محمد خاطرتك ولا اروع بجد تحفه جدا سلمت الانامل انا عارفه اكيد انك زعلان منى بقالى كتير مش باجى بس والله غصب عنى ياريت تسامحنى تقبل مروري وتحياتى لك وف انتظار جديدك...منه

    ردحذف
  13. السلام عليكم
    الله على اجمل الكلمات
    الله على عذوبتها وبساطتها
    ومعناها اجمل واحلى
    تقبل مروري
    سلامي ليك ياشاعر العصر.

    ردحذف
  14. جمييييييييلة اوى الكلمات بجد
    ورقيقة وبسيطة كتييييير

    تحياتى سلام وسعيدة انى دخلت المدونة يارب دايما ان شاء الله

    ردحذف
  15. كلماتك جميلة واحساسها عالى


    اقبل تحيتى

    ردحذف