تنبيه لدخول الموقع مره اخرى عن طريق جوجل اكتب ( الحنين محمد حسن )

كل الكلام





كل الكلام اللى كتبته...كتبته ليها ورتبته
قلت جواه معانى..لكن من تانى مسحته

انا كنت ليها هقول...قلبك انا بيه مشغول
لكن هى سبقتنى...وقالت فيه قلب عشقته
سكت متكلمتش..وداريت ولا بينتش
والورد اللى فى ايدى...دبلت خلاص ضحكته

قلتلى عنه وحكت...وبوصفه هى ابتدت
قلتلى عن حنينه...والشوق اللى فى عينه
ومبين انا فرحى ...لكن جوايا جرحى
وفجأه كلامها سكت

قلتلى ايه خضتنى..قلتلها لأ مفيش
فرحتك انا شدتنى...قلتلى مدريش
قلتلها صدقينى..ده الدمع اللى فى عينى
هى دموع الفرح...قلبى ودى فرحته

حكتلى وكملت...م الفرحه وهللت
قلتلى عن برأته...عن طيبته وعن صرحته
قلتلى وانا بسمع...والقلب عنيه بتدمع
وتانى بطلت
وقلتلى معلش...هسيبك انا وامشى
ياقلبى ما تزعلش..وفى وهم متعشى

ورجعت انا لوحدى..والدمع على خدى
والجواب اللى فى يدى...اتقطع و ايه لزمته

وهى دى الحكايه من الاول للنهايه
حكاية قلب عاشق...وهى دى قصته

هناك 7 تعليقات:

  1. الحمد لله على سلامتك ونايس بااااااااااااااااك لاحلى كلام واجمل احساس ويا رب تكون بخير.......... احمد

    ردحذف
  2. الله عليك حلوه ...بسمه

    ردحذف
  3. وحشتنا جيجي

    ردحذف
  4. 7ATA KALAME NADMANE 3ALIHE???

    ردحذف
  5. BINI WBIKE..BO7OURE

    ردحذف
  6. بسم الله ما شاء الله...ايش هالرووووعه!!...*رولا*

    ردحذف
  7. نور الجزائرية16 مارس 2010 في 6:54 ص

    رائع واكتر من رائع بس في حاجة شدتني ونفسي تشرحها عشان انا محبش استبق الاحداث

    ردحذف