تنبيه لدخول الموقع مره اخرى عن طريق جوجل اكتب ( الحنين محمد حسن )

عايز حقى


انا واحد انا من الشعب.. مؤمن انه مش صعب
من كل كبير وصغير.. نقدر بايدينا نغير
ارفض انا او اقبل ..وازاى اشوف المستقبل
واطور ايوه واجدد.. لمصيرى بايدى احدد
يلا وبلاش وانا مالى.. حالك هو ماهو حالى
ليك ولكل ولادنا.. هنصلح وضع بلدنا

هناك 13 تعليقًا:

  1. اوك يا فنان بس انا مش مضطر اوقع وخلينا فى الشعر احسن
    ...............احمد

    ردحذف
  2. والله معاك حق لازم يوقع شعب مصر انا مش مصرية لكن حوقع

    ردحذف
  3. لازم ياشعب مصر توقعوا هذا من حقكم انكم تنتخبوا انتخابات شرعية على الاقل انتخابات حرة نزيهة

    ردحذف
  4. وانا اصدق مين ولا مين كلهم ليهم مصالح واحنا فى كل الحالات مظلومين ومسروقين حد يقولى انه يضمن الاخوان او البرادعى او جمال واحد يضمن اى حد بس يكون صادق ويقولى ليه ضامنهم وانا معاه بس بدون شعارات كلام واقعى..... احمد

    ردحذف
  5. انا اكتر حاجة خلتني اوقع اني قرأت تصريح لقيادات من الحزب الوطني كانت من تحت لتحت لكن انتشرت انهم مش هاممهم موضوع جمع التوقيعات لانهم واثقين في سلبية الشعب ودي اكتر حاجة غاظتني وخلتني اوقع واخلي زمايلي كمان يوقعوا
    ومتشكرين عل اتاحة موضوع التوقيع ده من خلال المدونة
    (حسين)

    ردحذف
  6. الي احمد
    انا بس كانت عايز الفت نظرك ان انت بتوقع علي الموافقة بالمطالب السبعة مش بتوقع عشان خاطر فلان او علان والحقيقة ان المطالب السبعة دي لو فكرت فيها هتلاقي ان مافيش عاقل يقبل بيها لانها بتأيدنا وبتأيد فكرنا واختيارنا ومن غيرها بييجي ناس غصب عننا بيكبسوا علي نفسنا ولازم يكون ليك دور
    (ان الله لا يغير ما بقوم حتي يغيروا ما بأنفسهم)

    ردحذف
  7. لست مثبطاً و لا إنهزامياً ..

    و لكن ...

    رأيي إن التوقيعات ليست هي الحل .. لأنها داخل إطار اللعبة السياسية المحكومة حتى النخاع من قبل أباطرة النظام المصري ..

    الحل يكمن في إرادة المصريين و مدى جديتهم في إرادة التغيير .. و لأن الأمر في مصر أشبه بالسرطان الذي تغلغل في أوصال هذا الشعب المظلوم و الذي يستلزم تدخل جراحي عاجل سيكون له آلام و أثار لن يمكن إغفالهاأو تجاهل مشقتها و تبعاتها..

    و على هذا الشعب أن ينتزع حقوقه إنتزاعاً لا أن يهدر الوقت الثمين في التوقيع على ورقة تنتمي إلى أدوات نظام جائر ما عرف العدل منذ قيامه..

    لقد فككت الخلافة من قبل تحت قبة البرلمان التركي باستخدام هذه الأدوات بعد أن قام المقبور أتاتورك بعمل تصويت للتخلي عن الخلافة تحت تهديد السلاح .. فالأصل في هذه الأنظمة القائمة على أطلال الخلافة الظلم و الجور و قول الزور .. فلا تنتظر من التوقيعات أن تحل مشكلة هذا الشعب الأبيّ ..
    بل هي إرادة الأقوياء و تحدي الجبناء مصّاصي دماء الشعوب.

    لك ودّي و تقديري

    ردحذف
  8. لازم يكون البديل ( المرشح ) لخلافة مبارك مش البرادعي ومش جمال ابن مبارك ... لو خيرونا بين مبارك والبرادعي مش حتكون انتخابات حتكون خيار بين مبارك وموظف عايش حياتو في الخارج ومش حيحس بالمصريين وانما حيكون مبارك جديد

    ردحذف
  9. انا مع انى انتخب حد يرجع للشعب المصرى احترامه اللى فقده بين الشعوب العربيه وكرامته اللى انتهكهتا كل الدول العربيه حد يقولى اثق فى مين يعمل كده جمال اللى ورا ابوه خايفين على كراسيهم واللى هايجرا فيهم بعد مايجى حد تانى غير جمال فا بيدعموه وهايدعموه باقصى قدر ممكن والبرادعى طول عمره فى الخارج ميييييييييين انتخبه الاخوان بتدعم اللى يمشى مصالحها مين تانى احسنلى اكون انهزامى من الياس الىوصلونا ليه........احمد

    ردحذف
  10. انا اول مرة ازور المدونة ومن يومين بقرا فيها جميلة جدا بجد واول حاجه عملتها انى وقعت على المطالب السبعه اللى نفسى كل مصرى يوقع ويقول رايه وبالنسبه للمدونة اجمل قصايد قرتها فى مدونتك قريت كتير ولقيت اجمل معنى بجد فى كلامك تحياتى ليك ودى مش هتكون اخر مرة ليا فى المدونة اوعدك تحياتى ليك محمد

    ردحذف
  11. اها كلنا فى البيت هنا وقعنا
    لاننا مؤنين جدا بالتغيير وكلمنا الناس كمان ولقينا ناس كتير معانا
    فيه ناس كتير تقول ايه الفايدة يعنى عنغير الحكومة لو عايزة تعمل حاجة هتعملها
    بس هى (معذرة الى الله )
    تحياتى

    ردحذف
  12. عايز حقى
    أمممممممممممم
    الحق عند اللى لا بيغفل ولا بينام
    صدقنى
    مش هتلاقى حد يديك حقك غير اللى خلقك

    كل سنه وانت طيوب
    ورمضان كريم

    ردحذف
  13. ما ضاع حق ورائه مطالب
    علشان كده كلنا بحقنا هنطالب

    واحشنى يا فنان

    ردحذف