بحلم انى احب اتحب....بحلم ياما بدقة قلب
وبعيش ياما انا فى احلامى
بحلم الاقى القلب الطيب..قلب يداوى قلب يطيب
قلب اشكيله كل الامى
بحلم انى فى دنيا جميله..فيها اللحظه بمليون ليله
والورد مفتح ادامى
بحلم ايدى لمسه ايديها..بحلم ان عينى فى عنيها
فهمانى من قبل كلامى
بحلم انى واحد تانى..حوليه ورد وشوق وامانى
مش عايز يفارقنى منامى
بحلم ان الحلم يطول..لكن طبعا مش معقول
لازم اقول للحلم سلامى
وبعيش ياما انا فى احلامى
بحلم الاقى القلب الطيب..قلب يداوى قلب يطيب
قلب اشكيله كل الامى
بحلم انى فى دنيا جميله..فيها اللحظه بمليون ليله
والورد مفتح ادامى
بحلم ايدى لمسه ايديها..بحلم ان عينى فى عنيها
فهمانى من قبل كلامى
بحلم انى واحد تانى..حوليه ورد وشوق وامانى
مش عايز يفارقنى منامى
بحلم ان الحلم يطول..لكن طبعا مش معقول
لازم اقول للحلم سلامى
وهى دى حياتى اى حاجه جميله هى مجرد حلم لازم ينتهى
اقولك ايه بس يا فنان
ردحذفكتاباتي مش معقوله
انت اكتسحت الساحه الفنيه بنجاح
انت اسطوره فن ورقه واحاسيس جميله
بجد جميل بس وانت عارف انى الحلم سعات بيكون احلى من الحقيقه واحلم واحلم كتير مدام الحلم جميل وخليك عايش فى الحلمك انت واللى بتحبه محمد احلم وسبنى احلم معاك اظن انت فاهم
ردحذفما شاء الله عليك يا محمد وجميلة جدا...بس انت مش شايف ان الحلم ممكن احنا نخليه حقيقة بشرط اننا نعمل المستحيل ونتجاوز الصعاب من اجل اننا نخليه حقيقة طالما انه ممكن يكون حقيقة..وانا اتعلمت ان الشئ اللي ممكن نظريا عمره ما يكون مستحيل عمليا...
ردحذفمحمد
ردحذفجميل البوست يا محمد
انا كمان نفسي اعيش لحظة الحب الحنان والخير
بس مش لاقيه مكان ليا في الدنيا
تحياتي
يامحمد والله بتقول جواهر كلام جميييييييييييييل جدا
ردحذفوالله يحقق كل احلامك
ويسعدك بحياتك.
انت شخص هايل يامحمد الله يوفقك (زياد)
ردحذفماشاء الله يا محمد كلامك جميل جدا جدا وتعبيراتك حلوة اوي بس الحلم طالما انه جه يبقي اكيد ليه بدايه حلوة ومش بيفضل حلم لا بيجي يوم ويتحقق
ردحذفربنا يحقق لك احلامك
ردحذفمافيش حاجه بعيده على ربنا يامان
بس قول يارب
ربك كبير ومبينساش حد
احلم ربنا يحقق احلامك
ردحذفبحلم بمدني وبرج حمام وارض حضنها بيسعني بحلم ولو منعو الاحلام هقول محدش يمنعني من حقي احلم واتمني واشوف براح الكون جنه واغني احلام تتغني في كون بيرفض يسمعني ...
سعيدة بزيارتك
واكيد مش هتكون الاخيرة :)
يا رب يحققلك كل أحلامك
ردحذفبالصدق و الصبر و العمل و بالإيمان ببكره الجميل الجاى
كل شىء يتحقق
دمتى بكل خير و سعادة
بجد فنان ربنا يوفقك وما يحرمناش من كلامك الجميل بس مش الدنيا كلها احلام وزى ما قلت لازم نقول للحلم سلام.......... احمد
ردحذفkwaysa ktir.rabina ywafaqak.jiji basma
ردحذفماشاء الله جميلة جدا انا لما قريتاه حسيت ببهجة الدنيا ربنا يبارك فيك وفي موهبتك
ردحذفراجي رضا الله