تنبيه لدخول الموقع مره اخرى عن طريق جوجل اكتب ( الحنين محمد حسن )

من غير ولا فرصه




خلاص نهيتى القصه.....من غير ولا فرصه
وقدرتى خلاص تمشى
حتى اغانينا.....والحلم اللى كان فينا
لازم ميكملشى
ساكت ومش قادر...انطق واقول غادر
بس معلشى
حتى اللى كان مفروض...اصبح خلاص مرفوض
اسكت ومكلمشى
احبس دمعى ف جفونى...ياغايب عن عيونى
مطلوب مبينشى
ارحل مع السلامه...يا ابو اجمل ابتسامه
لكن متتطلبشى
ان انسى ف يوم هواكى..واللى كان معاكى
اسف مبقدرشى
اللى بينك وبينى..ساكن قلبى وعينى
صوره متتمسحشى
من قلبى بدعيلك...يارب يديلك
م الفرحه متتحرمشى
خلى ف تفكيرك..عمرى ماهحب غيرك
ما اناغيرك محبتشى

هناك تعليقان (2):

  1. حلوووووووووووووووه اووووووي يا احلي شاعر بجد

    ردحذف
  2. روووووووووووووعه بجد

    ردحذف